As familias dos nenos e nenas do Punto de Atención á Infancia puideron gozar coa festa musical de Pitusa Semifusa, o pasado venres, 28 de xullo. Con esta actuación aprenderon os instrumentos da familia da música, cantaron e bailaron con esta proposta tan lúdica e amena.

Hoxe tivemos unha clase maxistral de como facer tiras cómicas e viñetas a cargo de Hermanager. Os artistas noveles de Celanova xa teñen un pouquiño máis

de experiencia, ademáis de pasar un rato divertido.

Black Galicia presentou a súa actividade Un paseo pola música negra, soul e literatura no Vicedo. Durante unha hora puidemos deleitarnos cun fermoso concerto onde se repasan os grandes éxitos da música negra con diferentes obras literarias. Un repaso moi interesante que fixo as delicias dos asistentes e así o demostraron cunha gran ovación final. Fermoso concerto para unha noite de verán…

O día 8 de xullo de 2017, ás 16:00 h a Biblioteca Pública Municipal da Pobra do Brollón acolleu a actividade “Ao encontro de Martín Codax”, dentro do programa “Ler Conta Moito” da Xunta de Galicia.

Os días 4, 11, 18 e 26 de xullo ás 17:00, nenos e nenas de 7 a 12 anos puideron desfrutar do obradoiro “Bibliotecas animadas” de Gargallando. Fotografías, gravacións e debuxos foron os elementos cos que puideron experimentar os rapaces e rapazas asistentes quen, a partir dun conto, debuxaban e coloreaban os personaxes do mesmo.

Unha experiencia que, dende logo, non esquecerán, pois grazas a estes obradoiros puideron traballar a súa propia creatividade a través, non só do debuxo, senón tamén da creación de imaxes en movemento.

O 21 de xullo de 2017, Os nen@s disfrutaron na biblioteca de Riós, dunha actividade moi divertida que lle trasladou @s participantes un día tan importante como é o das letras Galegas.

O venres 7 de xullo, o salón de actos do Concello de Carnota ateigouse de xente miúda para cantar e bailar coas “Aventuras de Mamá Cabra: contos que saen dos libros”. Gloria Mosquera, Tomi López e Iago Rodríguez guiáronnos por algúns dos temas máis coñecidos deste grandísimo grupo, co que pequenos e maiores gozamos por igual.

Contos de marmeleiro, anís e limón, avtividades conducida por Marisa Irimia que apoiada nos seus bonecos fixo as delicias dun numeroso público infantil.

O venres día 21 no auditorio da casa da cultura de Covelo, tivemos a actuación do Mago Paco. Por medio do seu espectáculo de maxia cómica, fixo as delicias dos máis cativos e tamén dos maiores,  que participaron e gozaron das historias cheas de maxia.