O martes  17 de setembro, tivemos na A.L.M. da Capela a Larraitz Urruzola co espectáculo ” Antón Fraguas e a festa dos monicreques” . O espectáculo consistíu na explicación da evolución dos monicreques a través dos tempos ata hoxe. Nenos e maiores disfrutaron e interactuaron cá artista e a súa historia de como se vencen os medos , interpretada polos monicreques.

O martes 17 tivemos na biblioteca Manuel María de Oleiros a oportunidade de aprender a montar marionetas de variñas. Da man de Anxo da Asociación de Amigos do Museo Galego da Marioneta, os/as asistentes déronlle forma ao papel de xornal e cartolina, confeccionando cada un a súa cun magnífico resultado. Un traballo lúdico con materiais de reciclaxe.

Carballo con Botas visitou a Biblioteca Pública Municipal de A Fonsagrada coa súa Fábrica dos corazóns de papel reciclado. Grazas a ela convertemos malas novas sobre a violencia de xénero en corazóns de loita e esperanza.

As persoíñas e persoas participantes uníronse con el nun berro de ilusión pola igualdade de xéneros e contra a violencia machista!

O mércores 23 de agosto chegou “A maxia dos contos” á Biblioteca do Concello do Rosal, con Manuel Solla de Expresión Producions. Con estas actividades enmarcadas dentro do programa “Ler conta moito” preténdese fomentar e dinamizar a lectura entre os diversos colectivos.

Con “A maxia dos contos”, os máis cativos tiveron a oportunidade de experimentar as sorpresas que se agochan dentro dos libros, de ser os protagonistas das historias escritas nas súas páxinas e mesmo de escribir coa forza das súas mentes un conto sobre animais. Foi una actividade máxica na que os personaxes dos contos cobraron vida a través de monicreques e na que os asistentes riron, crearon, cantaron e ata se mergullaron nas historias que se contaron.

Este luns 16 de setembro os usuarios da Biblioteca Mª José Ruso de Dorneda (Oleiros) pasáronno en grande co animado concerto Radio Bule Bule de Paco Nogueiras. Humor, baile e fantásticas cancións nun concerto orixinal e moi moi entretido.

O venres 13 de Setembro, visitounos en Vilar de Santos o mago Deimi, co seu espectáculo “A maxia está nos libros”. Pasamos unha tarde moi divertida e amena cos seus trucos, nos que os asistentes puidemos participar activamente. Sen dúbida, unha actuación moi recomendable.

Pandeireta en man, Lorena Pinheiro fíxolle amena a tarde ós cativos asistentes, que non dubidaron en acompañala cantando e bailando as súas cancións.

Rodeado de instrumentos, entre cancións e bailes, e tendo como marco o medio radiofónico, Paco Nogueiras presentaba na Biblioteca Florencio Gurriarán do Barco o seu espectáculo “Radio Bule Bule” na tarde do 12 de setembro ante un público familiar.

O pasado mércores os mais cativxs desfrutaron co contacontos 1,2,3, a que non o ves? da compañía Trémola Teatro. Foi unha actividade moi entretida na que se fiaron varios relatos cuxos protagonistas eran monstros.