En Valga divertímonos con  “Os contos de Pablísimo”, un contacontos no que se fixo fincapé en temas de igualdade. O público desfrutou durante 40 minutos de historias, risas, música e moita aprendizaxe

Día 18 de outubro de 2019 das 10 da mañá ata case a medianoite, na biblioteca de Escairón

Na Biblioteca Pública Municipal do Saviñao, despois do éxito acadado nas cinco edicións anteriores, volveremos adiantar o Día da Biblioteca e celebrar o Día da Biblioteca – Noite na Biblioteca, con actividades de moi diverso contido, nas que, empezando coas visitas escolares ó longo de toda a mañá e obradoiros, contacontos e encontros con autoras pola tarde ata rematar case a medianoite, participaron máis de 200 persoas.

Este ano acompañáronnos Antía Yáñez coa actividade Rescate na biblioteca e a narradora Sole Felloza coa sesión Bolboretas (ámbolas dúas do repertorio do programa Ler conta moito), que visitaron a Biblioteca para celebrar con nós este día tan especial.

Visitáronnos estudantes de 6º de Primaria e 1º da ESO. Tiveron unha sesión práctica sobre o funcionamento do catálogo en liña, no que puideron ver como se incorpora un título novo (alumnado de 6º de Primaria) e como poden levar libros para a casa (con exemplos prácticos e reais) e que xestións poden facer por internet co seu carné de soci@s cando xa teñen un libro en préstamo (alumnado de 1º da ESO).

Tamén nos visitou a escola infantil que gozou da bebeteca despois dunha sesión de contacontos en alemán e en italiano ademais de cantar contos en galego.

Despois das visitas guiadas do mediodía, ás 17:00 empezamos coas actividades da tarde entre as que había varios obradoiros:

.     

Logo da merenda, elaboramos unhas sinxelas buxainas, que nos deron moito xogo:

Resolto o xogo de pistas da escritora Antía Yáñez, a petición de alumnos e alumnas do CPI Dr. López Suárez a quen lles gustou O misterio de Portomarín despois de lelo como lectura obrigatoria fixemos unha sesión improvisada de sinatura de autrógrafos coa autora:

Despois de cear unhas deliciosas pizzas, ás 22:00 chegou a sesión de contos de Soledad Felloza, actriz, contadora de historias, fotógrafa, escritora e dramaturga, e cos seus contos quedamos todos e todas coas bocas e as orellas moi abertas, menudas cousas que nos contou!

Rematamos a festa case á medianoite con música e cancións e coa promesa de volver á biblioteca atopar novos misterios, aventuras e sorpresas.

Esperamos que o pasarades tremendamente e que sigades con ganas de visitar a vosa biblio.

Miguel e Oscar conseguiron cambiar o conto e darlle un enfoque diferente aos contos clásicos como o da “Carapuchiña vermella”, o da “Cinsenta”….
Pasamos unha mañá con boa música e contando en igualdade.
E ademais, xa temos a dedicatoria da primeira novela de Miguel Alonso “O caso Quintana”

En tres sesións, varios grupos de nen@s, atrapad@s na historia de Alicia no País das Marabillas, intentaron saír da mesma a través da resolución de diferentes probas, mensaxes ocultas, enigmas,…ata conseguir os códigos necesarios para acadar a liberación final.

Exitazo total desta actividade entre tod@s @s participantes

A compañía Elefante Elegante, co seu conto “O Xigante” visitounos o venres 18, para levarnos a un reino distante, onde un home decidiu facer unha viaxe. Camiñou, camiñou.. ata que atopou un xardín marabilloso e alí decidiu quedarse. Pero certo día apareceu un Xigante que quería o xardín só para el. Con un bonito decorado fenómenos atmósfericos de choiva, neve e vento, creouse unha atmosfera especial, onde todos os nenos estaban impacientes de saber o final.

.

O venres 18 de outubro tivo lugar a chegada do “Carballo con botas” e a súa fábrica de corazóns de papel reciclado para converter as malas novas sobre a violencia de xénero en corazóns de papel reciclado.

Unha vez máis o nenos e nenas de A Illa de Arousa desfrutaron dun día fermoso na súa Biblioteca Municipal fabricando corazóns de papel reciclado…

Ler Conta Moito-Igualdade_2019

Este sábado, 19 de outubro, tivemos en Ribeira a marabillosa historia da vida de Ángeles Alvariño. Unha biografía de ciencia e estudo con 22 novas especies descubertas pola nosa oceanógrafa.

Fixemos o contacontos na sala de exposicións, anexa á biblioteca, para que os cadros nos inspiransen á hora de facer o noso debuxo de Ángeles Alvariño. E así de colorido rematou o conto…

Grazas, Polo Correo do Vento, xa nos tarda que volvades a Ribeira!

Na tarde de onte chegou á biblioteca municipal de Paderne a Pirata Escarlata da man de Marisa Irimia. Unha conta contos que non fai diferencias entre nenos e nenas, con historias fantásticas e cun final , como pouco, sorprendente. Fixo participes os alí presentes, tanto maiores como nenos, cos seus animados relatos e das súas novidosas historias.

O pasado xoves 17 de outubro, con motivo do Día das Escritoras,  tivo lugar o espectáculo “Elas pintan moito” a cargo de Migallas Teatro en Abegondo.

Foi un contacontos baseado na obra das  pintoras Xulia Minguillón, Sonia Delaunay, Frida Khalo e Yayoi Kusama e nos elementos que as inspiraron. A través das artistas fíxose fincapé na igualdade entre homes e mulleres.

As nenas e nenos participaron activamente e quedaron moi satisfeitos con esta sesión de contos.

A protagonista desta historia achegou aos asistentes ao deserto, países diferentes, con animais diferentes, e vestimentas diferentes. Os nenos e nenas puideron escoitar esta historia e achegarse a

estas terras fantásticas a través dos debuxos que relataban esta fermosa actividade.