A Biblioteca de A Illa de Arousa continúa “Contando en Igualdade” co Programa Ler Conta Moito-Igualdade.
O venres 11 de outubro, tivo lugar a visita de Patricia que veu a contarnos a aventura de Daniela Pirata para sorpresa dos/das máis novos/as.
A verdade, unha tarde moi entretida onde nais, pais, nenas e nenos desfrutaron coas probas e aventuras de Daniela Pirata…
Unha actividade que dende aquí recomendamos…
O pasado 10 de outubro estivo con nós Pablísimo, contándonos contos de príncipes que pasaban o ferro e princesas valentes e ensinounos unha gran mostra de instrumentos de tódalas partes do mundo, invitándonos a participar con él tocando eses instrumentos para amenizar outro conto.
O público saíu encantadísimo e desexando telo de novo pola biblio de Mondariz-Balneario.
Os rapaces e rapazas de Vilar de Santos recibiron fai uns días a visita de Dada o duende, que a través dos seus contos transmitiulle ós asistentes valores tan importantes como o traballo en equipo, a igualdade e o respecto polo medioambiente.
Tanto nen@s como adultos desfrutaron moito desta actividade.
Este xoves a Biblioteca Xela Arias de Chapela encheuse a partes iguais de entusiastas da ciencia e da experimentación e mais de aguerridos lectores, amantes da maxia e da fantasía e fans da saga Harry Potter.
O grupo Ceo Aberto non defraudou, e achegou abraiantes experimentos científicos a un público ilusionado e con gañas de participar.
A actividade colgou o cartel de “non hai entradas”.
VER + NO NOSO BLOG: https://bibliotecasredondela.blogspot.com/2019/10/ciencia-e-fantasia-para-cativar.html
No pasado 10 de outubro visitou a BPM do Rosal “historias correntes de xente diverxente” con Bego Bras dentro do programa de igualdade e violencia de xénero.
Unha maneira de enfocar a sexualidade, transexualidade…… dunha maneira lúdica que fai entender os nenos a realidade da vida, a igualdade de ser diferentes.
O pasado martes 8 de outubro tivemos no salón anexo a BPM do Rosal a O mago Paco con “unha maxia diferente” encadrada no programa de igualdade e violencia de xénero.
Utilizando a maxia como entretemento e os contos como base achégase os pequenos a igualdade de ser diferentes¡¡
Polo correo do vento coa súa detective Peregrina estiveron en Cordeiro para homenaxear a Antón Fraguas, pásamolo moi ben co seu contacontos e no obradoiro de debuxo no que todos, tamén as mamás e os papás, fixemos unha caricatura de Antón Fraguas
A través dos contos e da maxia o Mago Paco reivindica a igualdade de ser diferentes. Achegou o público asistente, que tamén colaborou, o valor da familia, da amizade, do amor, tolerancia… pero tamén a violencia, o racismo, a represión, o maltrato, o bullying,…
O pasado venres 4 de outubro na BPM de O Rosal tivo lugar a actividade de “Micromachista eu? Encadrada dentro da categoría Igualdade e violencia de xénero, a través da cal Caxoto contacontos achegou ás persoas asistentes á realidade da igualdade facendo visible a presenza que teñen os micromachismos na nosa cultura, nos contos e mesmo no día a día.
Séguenos