O venres 4 de outubro, en “Tardes de Contos e lendas” tivemos con nós a “Garabato de xogos”. “Unha armadura con ferruxe “. Espectáculo estupendo e divertido. O público disfrutou moito e aprendemos ago máis sobre a igualdade, a familia, as guerras…

O venres tivemos a fortuna de disfrutar da impecable actuación de Ignacio Vilariño exorcizando, a través de contos e cancións populares galegos de medo, os canguelos infantís . Coma sempre, coa presenza das intérpretes en lingua de signos da Organización de Discapacidade Sensorial de Galicia XOGA

A Biblioteca Pública Municipal de Caldas de Reis “P. M. Martínez Ferro” organizou  o pasado venres 4 de outubro  a actividade “Contando números, cantando cores”  a cargo de Pablo Díaz. O músico coruñés  moi coñecido pola xente miuda grazas aos seus traballos discográficos e colaboracións fíxonos reflexionar e por suposto pasalo moi  ben cos seus contos e cantos.

Fermoso espectáculo no que se xuntou a fusión do mundo da infancia co poder xestual e a expresión corporal de Verónica Rilo e a música do acordeón de Sonsoles Penadique. Rilo&Penadique conseguiron que as crianzas da Escola Infantil de Ponteceso e as súas familias disfrutaran da actividade.

O venres 4 de outubro o mago Deimi visitou a biblioteca municipal de Monforte de lemos. Durante 60 minutos fixo as ledicias de  150 nenos e nenas de 10 anos que encheron o salón de actos da casa da cultura onde se atopa a biblioteca municipal. A actividade é moi participativa xa que o mago escolle axudantes entre o públicico para facer os números e todos pelexan por sair ao escenario.

Trucos de cartas, cordas , libros que se enchen de cores, peixes que saen dun xornal fixeron que os rapaces estiveran atentos e disfrutaran moito.

O pasado sábado desenvolveuse na Biblioteca de Quiroga o obradoiro Rosalía tod@s por igual a cargo de Tarabelos. A través da figura de Rosalía, e da man   bos profesionais de Tarabelos,   nenos e nenas  achegaráronse a nosa literatura, historia, tradicións e mesmo  crearon a súa obra de arte  pola igualdade. Foi una actividade moi amena e divertida.

É sabido por todos que cando un aprende desfrutando, aprende mellor. Pois ben, isto lles pasou ós cativos asistentes  á actividade Estrafalaria o pasado venres na Biblioteca Municipal de Noia que, da man da contacontos Atenea, aprenderon a que o que dita a sociedade non sempre é o mellor para nós, e que, ser distintos ós demáis, non é nada malo senón máis ben ó contrario. As rarezas fannos especiais e temos que aprender a valorar o seu lado positivo. Un contacontos áxil e moi participativo cos cativos.

O pasado sábado día 5 de outubro, Antía Yáñez estivo na Biblioteca de Meicende Antón Castro ás 11.30 horas.

As crianzas comprenderon que a igualdade non consiste en que os nenos fagan cousas de nenas e viceversa, senón en que todos e todas, gústenos o que nos guste, teñamos cabida no mundo (e neste caso, no patio do colexio).

Antía, coa rapazada, contou o seu conto premiado; “A Reconquista”, e xogou a un xogo moi especial de pelota.