Pavís Pavós trouxeron ata a biblioteca do Ézaro as Historias da Marquesa, que aprenderon gracias aos libros que lles deixou en herdanza a súa avoa.
Nos libros agóchanse incribles historias, algunhas delas…de medo.
O sábado 3 de outubro na ALM Berdeogas escoitáronse uns contos de meeedo…
Brais das Hortas achegounos a súa música, o seu humor e uns contos que, ademais de facernos caghar patatillas, alegráronnos a tarde e fixéronnos mover o esqueleto e afinar a gorxa.
A mañá do venres 2 de outubro visitounos na ALM de Dumbría unha galiña ben especial.
As crianzas escoitaron o conto da galiña e gozaron cun obradoiro no que elaboraron a súa propia plastilina coa que lle deron vida a uns oviños moi orixinais.
O Sábado 3 de Outubro ás 18.30 h veu a visitarnos Paco Nogueiras coa súa actuación “Brinca Vai! De aquí á acolá…
A pesar do tempo, os nenos e nenas na compaña da súa familia pasaron unha tarde moi amena onde desfrutaron das cancións deste gran autor…
Unha achega ós libros e á lectura a través das cancións interpretadas por Paco Nogueiras, tales como Brinca vai!, No Samaín, Cos pés na terra, O Apalpador, O Entroido move o corpo, Meu o mundo é!, etc. fixeron as ledicias dos máis pequenos e pequenas…
Unha tarde fantástica en días de Covid… Moitas Grazas!
O pasado 1 de outubro dou comezo na Biblioteca de Fene o ciclo “Ler conta moito”.
Nesta primeira actuación os nen@s disfrutaron e pasaron unha tarde agradable na compaña duns monicreques que lles contaron unha historia tradicional cun chisco de chispa. Por suposto, coa axuda do seu narrador que en todo momento acaparou a atención dos máis pequenos interactuando con eles.
Grazas a tod@s.
O venres, 2 de outubro, tivemos a Animar-t co seu espectáculo Onde está o vento?.
Contos e cancións populares que fixeron as delicias dos nosos pequenos e pequenas.
Pasámolo moi ben
.
O venres 2 de outubro estivo na biblioteca de Nós Carmen Domech, quen nos contou historias de ladróns, homes do saco, bruxas e cemiterios aderezados con moito humor, e que, por suposto, fixeron que os nenos e nenas o pasaran de medo.
O pasado venres pasamos unha tarde divertidísima na Axencia de Lectura Municipal de Carnota con Pérez & Fernández. “A tortoise, un can, two monsters e un pícnic” é un espectáculo de narración oral en galego e en inglés, repleto de humor, que aborda temas como a empatía a solidariedade e o amor.
O día 30 de setembro participou en Taboada “A Ciencia de Harry Potter” un espectáculo-charla científica de inspiración literaria. A través de experimentos espectaculares fomos percorrendo o mundo creado por J. K. Rowling e analizando desde a óptica da Ciencia a viabilidade no mundo real ou non do universo literario de Harry Potter.
O pasado sábado, 3 de outubro, puidemos gozar nas Bibliotecas de Carballo co espectáculo de maxia de Ian & Elisa: “Historias fabulosas, dous magos e outras cousas”, unha actuación coa que conquistaron @s maiores e pequen@s que viron a función no noso auditorio, pero tamén a tod@s aquel@s que nos seguiron por streaming nas redes sociais do Concello de Carballo, Cultura Carballo e Bibliotecas de Carballo.
Se queredes sorprendervos con diversas historias, maxia e sombras chinescas, seguramente esta sexa a vosa función!
Séguenos