O sábado 17 de outubro,  rapaces e rapazas  aprenderon recursos da linguaxe do cómic facendo a sua própia páxina de banda deseñada co obxectivo de atopar unha ferramenta afín á sua vida que lles axudará a comunicarse, contando as suas propias historias nas que verquir as suas propias inquedanzas e intereses.

Durante dúas horas, Santy Gutiérrez ensinou dun xeito moi ameno baixo a atenta mirada da rapazada, que saíu coa súa propia páxina de banda deseñada!!

Onte ás 17: 30  tivemos unha visita moi especial, María dos Contos e o señor Dorremí.

En “Cantacontos” os contos tradicionais ou de creación propia son arrequentados con cancións, música ou sons que contribúen a espertar emocións nos nenos e nenas. Todos os contos tratan cuestións próximas ós/ás nenos/as e convídanos a participar no seu desenlace. As cancións complementan os seus contidos.

O sábado 10 de outubro, nenos, nenas e familias pasaron un rato de lecer co entretido e animado espectáculo “Cantacontos”, de Migallas Teatro.

En “Cantacontos”, os contos tradicionais ou de creación propia son arrequentados con cancións, música ou sons que contribúen a espertar emocións nos nenos e nenas. Todos os contos tratan cuestións próximas ao público infantil, e convídanos a participar no seu desenlace. As cancións complementan os seus contidos.

Pasámolo xenial!!

Os compoñentes de Teatro Calavera ofrecéronnos uns contos moi divertidos coas suas versións feministas de Brancaneves e A Bela e a Besta.

Onte, luns 19 de outubro, a Biblioteca Pública de Portas recibiu a Sheila para contar a historia de “As pitas baixo a choiva” de Ricardo Carvalho Calero, ademais de completar a actividade cun obradoiro creativo onde cada neno e nena puideron elaborar o seu propio conto a través de distintos collages de papel, orixinais e únicos. Unha actividade moi interesante e que acadou moito éxito entre os máis cativos.

O pasado xoves “Dadá o duende” visitou á Biblioteca Municipal de Tui para compartir cos rapaces e rapazas asistentes unha morea de contos marabillosos que xunto ás historias nos achegaron tamén valores marabillososos coma a convicencia, a igualdade, o respecto ao medio ambiente…

Foi unha sesión moi participada polos nenos e nenas asistentes.

Scape Room na Biblioteca de Taboada onde os mozos/as tiveron que seguir as pistas para poder escapar da biblioteca. Unha actividade moi entretida e interactiva, onde os participantes estiveron moi ocupados cada seu co seu robot.

Antía Yáñez foi relatando o seu conto A Reconquista aos nenos e nenas asistentes, explicándolles a historia de Lúa e a súa motivadora historia reivindicando un espazo común onde os desexos de todos os nenos/as tiveran cabida e estiveran representados no tempo de lecer do seu cole.

Asimesmo xogou cos máis peques tentando adiviñar animais ocultos nas páxinas do conto de Antía.

Tamén mesturou o seu contacontos coa proxección de videos que reflectian roles distintos aos normalmente asignados a cada xénero.

O pasado 8 de outubro, tivemos a visita na Axencia de lectura de Oubiña, do escritor e ilustrador Anxo Fariña, coa súa obra “Dulcinea a nena cabaleira”. Maxistral actuación por parte dun gran profesional.
O público moi entregado.