O 23 de setembro visitounos O Mago Paco co espectáculo ” Maxia divertida 3.0″. Tanto nenos como maiores pasaron un rato divertido xa que, houbo de todo, maxia, música e humor, sobre todo humor. En todo momento interactuaban co mago, mostrabánse todos os asistentes moi participativos, en fin foi un espectáculo moi entretido.
Divertidísmo percorrido pola historia da man de Teatro Ghazafelhos. Grazas á máquina do tempo da doutora Mon, viaxamos polas distintas épocas históricas, desde o Xurásico ata a Idade Contemporánea
E coñecimos á mona Lucy, a un cavernícola, a Akenatón, a Leonardo da Vinci e ata Neil Armstrong!
A Biblioteca Municipal Os Templarios (O Temple – Cambre) acolleu este xoves 23 unha actividade para as nosas usuarias e usuarios máis cativos: “A biblioteca que viaxaba no tempo”, un contacontos a cargo de Olga Abad que animou a tarde das familias coa historia de tres amigas que se xuntan para ler no alto dunha montaña.
A Asociación Lucense de Tempo Libre foi a responsable de impartir a actividade de Robótica educativa. Creatividade inspiradora. Coma o tempo de duración é de 120 min e a demanda foi xenerosa, ofreceron a posibilidade de facer dous grupos e incluso traballar máis tempo do pactado. As sesións resultaron moi amenas e instructivas. Construiron robots con pezas de lego que animaron con movemento, luz e son a través do programa scrath, para o que lles facilitaron unha tablet. O monitor foi paciente, claro e moi organizado.
Recomendoa polo interese que esperta nos nenos/as e pola bo traballo e dispoñibilidade da Asociación Lucense de Tempo Libre.
O xoves 23 de setembro o mago Deimi visitou a biblioteca de Monforte de Lemos. Durante unha hora fixo disfrutar a nenos e maiores dun espectáculo de maxia na que os libros e a lectura foron os fios conductores. Libros en branco que por arte de maxia enchen as súas páxinas de cores, xornais dos que saen moedas, debuxos de peixes que se transforman en peixes de verdade e mesas voadoras, son algúns dos trucos que coa colaboración de pequenos axudantes executou para disfrute de todos.
Esperamos que o xoves 30 os pequenos volvan a disfrutar cunha nova actividade que a biblioteca municipal ten programada.
O día 20 de setembro no CEIP MANUEL SIEIRO do Concello de Crecente, dentro do programa “ ler conta moito” tivo lugar a actividade musical ” O que levamos nas maletas” da cal disfrutaron as nenas e nenos, interactuando con gran entusiasmo coa actuación.
Este xoves contamos na biblioteca coa compañía Duende Sico e a súa representación de títeres Elba e Marcos e os xoguetes encantados. Elba e Marcos son irmáns e ás veces teñen as súas diferenzas… Agóchanse os xoguetes, fanse trasnadas, dialogan sobre as profesións, xogan ás palabras rimadas, etc. Pero o pasan xenial, como as nenas e nenos de Oleiros nesta xornada de contos.
Onte, 23 de setembro, disgfrutamos con Animar-T e o seu espectáculo O Lápis Máxico, que fixo as delicias do público asistente, con cancións, humor, dialogo. Martín, un neno, etiquetado de burro chegou a crer que o era ata que atopou un lápis máxico que lle cambiou a vida e demostra que nenos e nenas poden aprender de xeitos moi diferentes
Hoxe pola mañá, dentro do programa Ler Conta Moito e organizado pola Biblioteca Municipal, visitou Ribadeo o Teatro Ghazafelhos con “A máquina do tempo”. Invitamos ao alumnado de 2 e 3º de Educación Primaria dos Colexios de Ribadeo.
Dúas personaxes a doutora Mon e o seu axudante Pe, fixeron un percorrido pola historia das civilizacións, visitando distintas épocas e utilizando unha maquina do tempo inventada pola doutora. Estiveron na época dos dinosauros, os primeiros poboadores, a grande civilización exipcia, a idade media coa revolta irmandiña, a idade moderna con Leonardo Da Vinci e o séculolo XX coa chegada do home a lúa. Toda unha aventura educativa tratada con moito humor.
Séguenos