O PASADO VENRES DÍA 1 DE OUTUBRO GOZAMOS DA ESTUPENDA ACTUACION DE CARAMUXO EN TORDOIA COA SÚA OBRA ZAPATOS. OS PEQUENOS E OS MAIORES PASÁRONO EN GRANDE.

O venres 1 de outubro varios grupos do colexio de Castro de Rei disfrutaron cos “Contos da lúa”, un contacontos apoiado con marionetas e bonecos planos.

Descubriron que mentres dormen a lúa mira pola ventá e entra nos seus soños. Ademáis viviron un soño moi especial, o dun neno que era un gran lector chamado Calcetín.

O pasado 1 de outubro os nenos do Concello de Paderne tiveron a oportunidade ver un entretido espectáculo de Circo na casa , onde os malabares con todo tipo de obxectos do día a día  formaron parte dunha historia divertida a par de formativa. Todo isto mesturado con moita diversión e gargalladas a montón.

Encantadísimos quedamos todos co espectáculo ofrecido por tan grandes profesionais. Os cativ@s asistentes non deixaron de prestar atención nin un só minuto -e os adultos…. tampouco!-. Incluso houbo público que se animou a colaborar cos artistas…

Moi recomendable a función!

O domingo 3 de outubro na biblitoeca da Laracha pasamos unha mañá moi divertida con Migallas teatro e o contos dos “tres porquiños” un conto no que os bebés disfrutaron moito!

Este sábado pasamos unha tarde fantástica mergullados nas historias de César No, o bo facer do sarriao fixo que as crianzas e os seus acompañantes gozasen coas historias de aventura dun príncipe que desexaba vestir de rosa, demostrándolle ó seu pobo que iso non desmerecía a súa boa labor ou a galiña “pirata pata de lata” empeñada en dar o tesouro para que todo o pobo poidese beneficiarse e para rematar, as falcatruadas do gato de César na alameda de Santiago.

Entre cancións e repeticións os nenos e nenas levaron unha mensaxe do realmente importante.

Hoxe na Biblioteca Municipal de Boiro, nenxs e maiores, pasamos unha maña moi agradábel e divertida na compaña de Paula Carballeira, que cos seus contos levounos a lugares fantásticos, acompañamos as bruxas nos seus viaxes, recorremos camiños polos bosques, e incluso acompañamos a un sapiño na súa aventura. Grazas Paula por regalarnos esta maña.

Na biblioteca Enrique Rivera Rouco das Pontes, arrancamos os nosos Xoves na Biblio da man do Mago Paco, maxia para os nenos e nenas máis pequenos. Todo un éxito para esta primeira cita. e é que o noso público infantil adora a maxia e máis cando vén da man dos contos. Moitas grazas ao Mago Paco que nos fixo pasar unha tarde tan divertida.

Paco Nogueiras inaugurou hoxe a programación do “Outubro, mes da biblioteca” coa presentación en Brión de ”Extra!”, un espectáculo para toda a familia baseado no libro-disco do mesmo título editado por Kalandraka. Ler máis →

O martes, 27 de xullo do 2021, recibimos a visita dunha pirata moi divertida. Escoitamos as aventuras de Daniela pirata e intentando emulala realizamos unha serie de probas para chegar a ser, nós tamén, uns piratas. Así tivemos que preparar unha sopa ou buscar un tesouro… probas que @s cativ@s superaron con éxito e moito sentido do humor. Donde viven los cuentos narrou un conto sobre a igualdade que encantou @s cativ@s. Foi unha mañá moi entretida, esperamos vernos de novo!