O pasado venres, 25 de outubro, recibimos a visita de Fran e Filipa e flipamos cos contos!

Fran amenizou a velada coa guitarra e soubo captar a atención de nenos e pais.

Filipa, nun principio, mostrouse reticente a saír da maleta pero un pouco de motivación por parte de Fran e… vaia se saíu!!

Nenos e maiores rimos moito.

A Biblioteca da Pobra do Brollón transformouse nun “escape room” baseado no libro “Plan de rescate” de Antía Yáñez.

A rapazada tivo que seguir as pistas para escapar da biblioteca e rescatar as compañeiras e compañeiros que ficaran atrás.

Unha actividade onde os cativ@s coñeceron o espazo da biblioteca e onde disfrutaron durante unha hora buscando as pistas que estaban  agochadas

O 25 de outubro seguimos a celebrar o Dia das Bibliotecas cun contacontos da man de Trémola Teatro titulado “Eva na Antártida”.

Esta vez acompañáronnos nenos do CRA Amencer que pasárono en grande coas aventuras medioambientais de Eva na Antártida e coñeceron a problemática do derretimento do xeo e as súas consecuencias no ecosistema polar.

A compañía “Trécola teatro” ofreceu ós rapaces de San Pedro de Muro e a súa contorna unha selección de contos dramatizados, didácticos e divertidos que tiveron unha gran acollida entre os nenos.

“Los Últimos” Teatro recalou en San Pedro de Muro (Porto do Son) co seu espectáculo de poesía, contos e maxia que fixo as delicias do público, fundamentalmente infantil, que se achegou a presencialo.

O venres 25 de outubro Cé Orquestra Pantansma recalou na Axencia de Lectura Muncipal de Carnota con Fíos do querer, un espectáculo musical para meniñas e meniños de 0 a 3 anos repleto de ritmo e sensibilidade, cun repertorio fermoso que engaiolou a crianzas e maiores de comezo a fin. Xogamos, cantamos, bailamos e creamos música con instrumentos artesanais fabricados con elementos naturais. Encantounos!

Os rapaces de Portosín e parroquias adxacentes tiveron ocasión este ano de deleitarse co espectáculo do Mago Teto no auditorio da Axencia Municipal de Lectura. O espectáculo, que forma parte do programa Ler Conta Moito de fomento da lectura, tivo unha gran acollida.

No seu paso por Portosín, Dada a Trasna relatou os seus mellores contos ós rapaces da contorna e fomentou o respecto polo medio ambiente, a convivencia e os hábitos lectores. Os pequenos desfrutaron da experiencia na compaña dos seus profesores.

Inacio Vilariño chegou coas súas historias e cancións sobre burros e toda a familia que os rodea, con historias divertidas que nos fixeron rir e apreciar a este precioso animal.

O día 25 de outubro, os nenos/as gozaron dun taller de cómic da Compañía Garabullo, no que os participantes aprenderon diferentes técnicas para debuxar os personaxes dos seus cómics