Música Miúda veu divertirnos a biblioteca de Cela en Bueu, e aproveitando o bo tempo desenvolvemos o contacontos á entrada da biblioteca onde pasamos unha tarde moi divertida dándolle a volta aos contos tradicionais, cantando, bailando e ata ouveando como o lobo feroz.
Na Biblioteca de Foz levamos a cabo unha actividade de lettering que tanto éxito xera na rapazada. Este ano para conmemorar as nosas letras galegas contamos coa actividade “Lettering co cancioneiropopular galego” da man de Velaísca. Os nenos e nenas participantes somerxéronse nas cantigas tradicionais a través da arte creativa do lettering, dándolle cor e forma aos cantares galegos. Para iso apoiáronse en libros presentes na biblioteca coa temática do cancioneiro galego, en especial no libro “Sei cantar e sei bailar” publicado este ano para homenaxear ás cantareiras.
Os
nenos e nenas que acudiron ao salón de actos da biblioteca pública de Foz achegáronse un pouquitiño máis á nosa tradición galega, da man da compañía andamiaxe e a súa actividade interactiva “Carmen, a cantareira de aldea” que combina a narración oral e a música. A través da historia de Carme e a súa pandeireta máxica, o público desfrutou dunha experiencia chea de valores e diversión, cantando e xogando cos ritmos de Carme.
Este xoves tivemos unha contada moi especial. Inma, sen apelido porque é veciña do noso concello, veu facernos unha contada de “Xela, aventura na fraga“conto baseado no seu libro homónimo e segundo da serie.
A través dos descubrimentos de Xela, unha nena valente e curiosa, resolvimos unha misteriosa desaparición mentres fomos descubrindo a beleza e a biodiversidade que nos rodea. Plumas, pegadas e cacas axudáronnos a atopar de que animal se trataba.
Que ben o pasamos!
Os nenos disfrutaron moito coa actuación de Daniel Blanco
Dentr
o da programación do mes dos libros e das letras tivemos a sorte de contar coa presencia de Gemola que inundou a biblioteca dunha marabillosa enerxía co obradoiro de monicreques. A picaraxada pasou unha tarde moi entretida elaborando un cabaliño de cartón con elementos de papel e arte natural.
O 16 de xuño visitou Cedeira Ana Carreira co espectáculo ¨Trasnadas¨.
Ana Carreira visitou a biblioteca de Cenlle, a que acudiron @s alumn@s e profes do Ceip Carmen García Carrasco de Cenlle.
Ao longo da súa narración mantivo a atención de tod@s os asistentes, de 3 a 13 anos!
A súa forma de narrar e interactuar funciona para todas as idades, profes e peques disfrutaron un montón!
Moi recomendables as Trasnadas de Ana Carreira!
Onte os nenos/as da Fonsagrada divertíronse moito con espectáulo da Fada Diana que tivo lugar na biblioteca. Da súa man coñeceron, a través da música, monecres e narración oral a importancia de coidar da natureza e participaron no xogo da reciclaxe.
Foi un espectaculo moi animado con musica e participación do público .
Unha tarde divertida e de afianzar a nosa identidade galega así como un bonito recordo das cantareiras ás que se lles adica o día das letras galegas.
Séguenos