Na Biblioteca Rialeda as nenas e nenos gozaron dun entretido obradoiro no que construíron un coche eléctrico cunha combinación de pezas de lego,

pequenos motores e elementos decorativos.

Mediante tablets e unha aplicación informática programaron o movemento. Unha vez montados, realizaron pequenas carreiras.

Carlos, o monitor, estivo moi pendente de cada un/unha e guiounos con moi bo humor e amabilidade. Foi unha tarde inesquecible!!!

Actividade de narración, o conto foi O pequeno cavernícola de Julia Donaldson, mesturado con música e algúns efectos como fume ou pombas de xabrón.

O público asistente disfrutou moito da actuación.

As nenas e nenos da Biblioteca Rialeda disfrutaron dunha tarde de monicreques coa actuación de María Larraitz, cos contos do demo e dos outros protagonistas do teatrillo.

Aos nenos e nenas gustoulles moito o obradoiro UNHA ARTE DELICADA: A PAPIROFLEXIA de Miguel Cortés, que tivemos este xoves 10 de outubro na nosa biblioteca.

Estiveron todo o tempo traballando cos seus pais ao ritmo que marcaban os monitores. Antes de comezar fixo unha pequena introdución de onde viña a papiroflexia,

como facela a través de libros, etc.

A xente marchou moi contenta levando as súas creacións.

A maga Fani coa súa actuación UNHAS MAXIAS REBULDEIRAS, agasallounos cunha tarde moi divertida e convidou as nenas e nenos a participar como axudantes por un día nos seus trucos de maxia con panos, cordas, papeis, moita imaxinación e fantasía.

O xoves 26 de setembro, realizouse un obradoiro en figuras luminosas na biblioteca. As nenas e nenos debuxaron con temática libre empregando ceras, lapiceiros e cartón seguido da elaboración dun circuíto con pilas, cobre e luces, xuntando ambos e tratando a electricidade desde un punto de vista creativo.

Todas e todos gozaron coa experiencia de ver as súas creacións iluminadas con led.

Onte, as nenas e nenos de Oleiros tiveron unha interesante e divertida tarde de xoves co obradoiro Robótica educativa.

Traballon en grupos montando caracois e muíños de arrefriamento con son, luces e movemento!

Actividade superparticipativa!

Este xoves 28 na Biblioteca Rialeda puidemos gozar con CINCO RATIÑOS DE CONTO de Migallas.  Bea montou unha mesa con diversas pezas e foi expoñendo os libros nos que se baseaban as historias dos libros A que sabe a lúa? ou A ratiña presumida a medida que ía contándoas. Cantou e fixo participar ao público infantil e tamén adulto.

O martes, 16 de maio, no Teatro As Torres, asistimos ao concerto do artista Xoan Curiel co seu espectáculo musical “Cantando as nosas Letras”, unha actuación para público familiar para conmemorar o Día das Letras Galegas, un xeito de  achegar a literatura galega a todo o público, facendo un percorrido por varios escritores e escritoras aos que se lles dedicou este día.

Todo desde un prisma de xogo musical e xestual facendo participar a todos os asistentes.

A tarde do xoves visitaron a nosa biblioteca Ciencia divertida para realizar o obradoiro 20.000 leguas de lectura divertida.

A través dunha viaxe polos libros de Julio Verne, propuxeron diversos experimentos relacionados cos libros que van nomeando: Viaje al centro de la Tierra, De la Tierra a la Luna, 20.000 leguas de viaje submarino…

As nenas e nenos gozaron da experiencia de ver como realizaban os experimentos e incluso axudar nalgún deles.