O martes 1 de outubro Sarabela Teatro entretivo a todos os asistentes á biblioteca cun espectáculo cheo de humor, onde nos mostrou as diferenzas que podemos ver noutras persoas segundo como as vexamos o mesmo que sucede cando o espello devolve as imaxes reflectidas.

Agotáronse as prazas para ver a obra Qué animaliño é?  de Trémola Teatro. Nenas e nenos, nais e pais participaron en todo momento das cancións acompañadas de xilófono, ukelele e maracas. Seguiron moi ben o ritmo para reclamar a presenza de Paxaro, Peixe e Gato. E bailaron no medio de pompas de xabón. Xa agardan un novo espectáculo das tremoleiras.

Este xoves, na biblioteca, tivemos a visita de David Ballesteros que amosounos como a maxia de Harry Potter ten unha base científica explicada a través dos seus experimentos.

Os nenos e nenas divertíronse moitísimo participando na realización destes experimentos e contestando ás respostas que David lles facía sobre as proxeccións do colexio, o sombreiro falador…

O pasado xoves 4 de outubro tivemos a sorte de contar con Raquel Queizás e o seu espectáculo Raposadas.

Unha raposa narrounos contos e adiviñas acompañada por uns pequenos monicreques e ata un galo que gustou moito aos nenos e nenas que non pararon de rir e participar respondendo ás preguntas que lles facía.

Da man de Pablo Díaz tivemos na Biblioteca Rialeda unha sesión de Cantacontos para os nenos e nenas máis pequenos. Empregando diversos instrumentos (guitarra, frautas…) desenvolveu un feixe de contos e historias que engaiolou a todos os asistentes. Un conxunto de música e textos moi ben traballado durante máis de media hora, ofrecendo divertimento e boas sensacións que fixeron desta sesión unha experiencia moi grata.

O xoves 20 de setembro, Paco Nogueiras retransmitiu dende Radio Bulebule para todos os asistentes á Biblioteca Rialeda. Houbo cancións, baile e ata un concurso radiofónico

Pasámolo estupendamente e estamos desexando repetilo.

O xoves 26 de outubro gozamos na Biblioteca Central Rialeda dun obradoiro de autoedición moi interesante no que aprendimos a realizar unha revista utilizando letras de molde fabricadas con obxectos reutilizados, goma Eva, cartolinas, tintas para estampación, rotuladores, etc…

Foi moi divertido!!!

O xoves 19 de outubro, Migallas Teatro fixo as ledicias dos máis pequenos da nosa biblioteca co seu espectáculo “Os contos do chupete”. A mestura de contos tradicionais como Os tres porquiños e de cancións gustaron a grandes e pequenos, estes últimos escoitaron atentos e participaron bailando e dando palmas.

Foi unha tarde inesquecible para todos nos.

O xoves 5 de outubro tivemos a visita de Teatro Grazafelhos co seu espectáculo Camiñando entre estelas.

Os nenos e nenas participaron moi activamente no desenrolo do mesmo, actuando xunto ao astronauta protagonista e tamén facendo preguntas.

Espectáculo didáctico e divertido onde se amosa como formouse o noso sistema solar e como funcionan as diferentes forzas que hai nel. Todo isto a través de explicacións moi acordes as idades dos asistentes e axudándose tamén de contos e proxeccións.

O xoves 20 de outubro tivemos a sorte de contar coa compañía Elefante Elegante na nosa biblioteca. O seu espectáculo “O xigante” fixo gozar a grandes e pequenos coa música e narración, chea de bos consellos, entre o que está o respecto á natureza.