O martes 8 de Outubro na BPM Mª José Ruso de Dorneda (Oleiros) tivemos a oportunidade de gozar da arte das marionetas co espectáculo Unha armadura con ferruxe de Garabato de Xogos. Unha historia diferente de cabaleiros, damas, dragóns e magos, que engaiolou tanto aos adultos coma aos nenos asistentes.

Este luns 7 de Outubro mostramos a nosa creatividade e maña co lapis nun Obradoiro de Banda Deseñada impartido polo debuxante Xosé Tomás. Os nenos participantes puideron aprender as técnicas e aspectos máis salientabeis da elaboración dun cómic.

Onte Luns 30 de Setembro Lorena Pinheiro visitóunos na Biblioteca Pública Municipal Mª José Ruso de Dorneda-Oleiros. Ao fío dos seus cantos e música de pandeireta xurdiron os contos cheos de animais de fábula, como a raposa vaidosa ou a garza sen panza e tivemos unha sesión do máis entretida.

Este Luns 23 de Setembro na Biblioteca Mª José Ruso de Dorneda tivemos a visita dos ratiños de Lonxe de Todo do grupo teatral TrinkeTrinke. Coa súa posta en escena do Ratiño Presumido,  pasamos unha xenial sesión de contacontos na que ademáis de divertirnos, aprendimos a importancia do valor da igualdade.

Este luns 23 de Setembro Pablo Díaz achegou aos máis pequenos da Biblioteca Mª José Ruso de Dorneda os seus Cantacontos para bebés, música e contos combinados con moito tino para guiar a este público tan especial  nos seus primeiros pasos no mundo dos libros.

Este luns 16 de setembro os usuarios da Biblioteca Mª José Ruso de Dorneda (Oleiros) pasáronno en grande co animado concerto Radio Bule Bule de Paco Nogueiras. Humor, baile e fantásticas cancións nun concerto orixinal e moi moi entretido.

      Supervoladora, Cazaman, Superconejo, Superunicornio… estes son algúns dos superheroes e superheroínas que xurdiron da imaxinación dos nenos participantes no Obradoiro de Laura Alonso “Constrúe o teu propio superheroe ou superheroína” este luns 8 de outubro na biblioteca de Dorneda. Unha interesante e imaxinativa actividade que despertou a creatividade dos asistentes.

O luns 24 de setembro a creatividade chegou á nosa biblioteca da man dos nenos participantes no Obradoiro de Ilustración de Babaluva. Mirari Urruzola ensinoulles a arte da estampaxe  e xuntos crearon divertidas e orixinais obras de arte.

Onte, luns 17 de setembro, os máis pequenos tiveron a súa primeira experiencia co mundo máxico dos contos nun bebecontos da man de Migallas Teatro, no que a mistura da música e a narración oral engaiolaron a tódolos asistentes.

Grazas Migallas!

Este luns, ás 18´30 h. tivemos a sorte de poder desfrutar de Paco Cerdeira e as súas Parábolas. Unha sesión, moi entretida e con moito, moito ritmo. E a ritmo de rock e outros estilos, Pakolas, foinos deleitando coas súas historias, que facendo un percorrido rematan cunha mensaxe final, formando así unha fermosa parábola da que aprender e na que pensar.