O xoves 10 de outubro viñeron a visitar a  biblioteca  de Lorbé os ratiños de Lonxedetodo e nos falaron de Igualdade entre nenas e nenos e nos contaron a historia de Oliver Button e tamén a do Ratiño Presumido.

Foi moi divertida a posta en escena na que se implicaron pais e nais para escenificar o conto do Ratiño Presumido a xeito de musical con cancións e coreografía incluídas, resultou unha actividade moi dinámica  que encantou a todas e todos os presentes.

O xoves 3 de outubro veu a nosa biblioteca Magín Blanco , quen  logrou que tivésemos unha tarde moi divertida chea de música e contos.

Ademais de contarnos cousas sobre  música,  amigos invisibles, adiviñas e moitas cousas máis, fixo coas súas  cancións  que todo o público tamén cantase e bailase. Moi divertido!

O xoves 26 de setembro pasou o mago Pedro Bugarín pola biblioteca de Lorbé e, co seu novo espectáculo familiar “4.0 Maxia para todxs”, fixo que todos os presentes pasáramos unha tarde realmente divertida e máxica.

Nenas e nenos estiveron encantados de participar  en varios trucos, que a máis de un e unha nos deixaron coas bocas abertas. Foi unha sesión dinámica e moi divertida.

O martes 24 de setembro actuaron Isa e Edu de Teatro Marionetas Trécola na biblioteca de Lorbé.

Nenos, nenas  e adultos asistentes estiveron moi atentos á historia de catro amigos, Luci, Mirta, Denís e Oliver que tiñan un grave problema.

Xenial posta en escena e unha historia sobre bulling que deu que pensar a nenas e nenos, ao tempo que os divertiu e entretivo.

O xoves 19 de setembro tivemos a sorte de que nos visitasen na biblioteca de Lorbé Pitusa Semifusa e a súa avoa, que nos ofreceron un concerto infantil no que nenas, nenos e maiores desfrutamos moito das cancións e a música cantando, batendo palmas, bailando, e mesmo formando un grupo musical. Unha sesión chea de música, ritmo e cancións orixinais coas que todas e todos aprendemos as familias dos intrumentos musicais: “vento ,corda, corda, vento e se fai <tatá, tontón> será a de percusión… ”

Excelente actuación de Pablísmo o xoves 4 de outubro na nosa biblioteca. Gustáronnos os seus contos sobre todo tipo de animais domésticos, acompañados por música e cancións, monicreques  e unha utilización maxistral da narración oral, que nos fixo rir a todas e todos.

O xoves 27 de setembro tivemos connosco na biblioteca de Lorbé a Leo Leiño que veu acompañada de Mary Poppins e nos  contaron todas as tarefas dunha institutriz máxica.   Foi un espectáculo “supercalifragilisticoespialidoso”.

O xoves 20 de setembro pasou o bibliotecario Renato pola biblioteca de Lorbé, para contarnos as aventuras máxicas que enchen todas as bibliotecas do mundo, e que todos e todas podemos participar destas aventuras simplemente abrindo un libro.

Divertidísimo espectáculo cheo de maxia, música e humor que enfeitizou  a todos os asistentes.  

O xoves 26 de outubro chegaron á biblioteca de Lorbé Don Renato e Piruleta, que nos trouxeron a súa Biblioteca Máxica e  nos aproximaron á figura de Gloria Fuertes de un xeito engaiolante no que houbo de todo: música, maxia, humor, monicreques, malabares, teatro de sombras, proxeccións…todos estes recursos teñen cabida na Biblioteca Máxica, que resultou unha actividade que namorou a grandes e pequenos.

Neste obradoiro máxico nenos e nenas  fixeron os seus propios utensilios para facer maxia e  ao rematar o obradoiro asistiron emocionados á actuación do Mago Albert, quen fixo moitos trucos máxicos nos que solicitou a colaboración do público asistente, que non se fixo de rogar.

Foi unha sesión moi divertida para pequenos e maiores.