O pasamos en grande na Biblioteca Ánxel Fole coa actuación de Pakolas e a súa fantástica historia musical “Ecoralia, a lambona ecolóxica”.Pequenos e maiores disfrutamos dunha sesión chea de ritmo, humor e mensaxes importantes sobre o coidado do medio ambiente, a alimentación saudable e a agricultura ecolóxica. Foi unha experiencia divertida, participativa e moi educativa, perfecta para toda a familia.

Moitas grazas a Pakolas por traernos este espectáculo tan especial… Agardamos que volvas pronto!

O venres, as nenas e nenos de San Pedro de Nós asistiron a unha sesión de maxia a cargo de Pedro Bugarín que fixo gozar a pequenos e maiores cos seus marabillosos trucos de maxia.

O venres 11 tivemos unha tarde máxica co mago Javier Muro, quen nos trouxo as súas LETRAS MÁXICAS , un espectáculo de maxia moi divertido.

Unha tarde chea de risas na que nenos e nenas estiveron máis que dispostos e encantados de axudar no desenvolvemento dos trucos.

O venres, día 4 de outubro, nos visitou Cé Orquestra Pantasma e desfrutamos da súa música e cancións.

Foi unha tarde moi divertida na que nenas e nenos menores de 4 anos , e tamén os pais e nais que os acompañaron, cantaron, xogaron, bailaron e incluso tocaron instrumentos artesanais cos que axudaron a Cé a facer a súa música. Fermosa experiencia musical da que todas e todos saímos cun sonriso.

O venres 27 de setembro veunos visitar Soraya Lema á B.P.M. Ánxel Fole de Nós, coa que desfrutamos os contos  de AITANA E AVOA, E OUTROS CONTOS VIOLETAS, contos cheos de amizade, empatía e igualdade.

 Foi unha sesión moi participativa na que os nenos e nenas asistentes axudaron encantados a Soraya na narración dos contos que ela agradeceu aprendéndolles unha canción coa que encheron a biblioteca de música e ledicia.

Pakolas visitou a biblioteca “Ánxel Fole” de Nós o venres 6 de outubro, e estivo contándonos as peripecias de Ramona Órbita coa súa máquina do tempo.

Levounos a unha viaxe polo tempo desde a Prehistoria ao Renacemento , pasando polo Antigo Exipto…

Un percorrido pola historia da humanidade moi divertido e cheo de música e cancións, coas que nenas e nenos bailaron e cantaron sen parar.

Este martes 3 de outubro veunos visitar Fran Amil á nosa biblioteca, para contarnos e cantarnos contos sobre monstros que non dan medo, un conto ao revés e a canción dos robots.

Foi unha tarde moi divertida e chea de música, na que nenas e nenos cantaron e bailaron o son das cancións.

A tarde do venres 22 de setembro tivemos na biblioteca unha sesión máxica con Pedro Bugarín.

E realmente foi  unha tarde máxica e moi divertida, na que as nenas e nenos asistentes, e  algunha persoa adulta, desfrutaron  e participaron dos trucos de maxia  con gran espectación.

Este venres, 14 de outubro, visitou a nosa biblioteca carlos Coira (Pinconús Teatro) que viña  acompañado do seu bibliotecario favorito, Don Basilio.

Foi unha sesión moi divertida na que houbo historias , papiroflexia, poesía e moita maxia. Ademais  Don Basilio recomendou libros moi bos para que nenos e nenas levasen para casa.

Unha excelente maneira de celebrar anticipadamente o Día das Bibliotecas.

O venres 30 de setembro tivemos a sorte de que viñeran a nosa biblioteca Damián e Moisés, compoñentes de Solovoz, que nos contaron a historia de como o Príncipe Lourenzo aprendeu a tocar diferentes instrumentes percorrendo todo o mundo.

Foi un espectáculo que combinou ás mil marabillas a narración oral e a música , e que fixo as delicias de pequenos e maiores, que bailamos, cantamos e sobre todo nos divertimos.