O luns 14 de outubro Aldaolado visitou a Biblioteca "Manuel María" de Oleiros. 
Tivemos un encontro compartindo as andanzas de Engracia,unha ovella moi curiosa
 e valente, que acada a súa meta con constancia e valentía. 
Salva os límites que lle son impostos con música e risas.

A través da música, a mímica e os xestos foi como comezou a actuación de Dani Blanco, para ir pouco a pouco coa palabra. Malabares e maxia para unha actuación que encantou a pequenos e maiores. Divertida e dinámica, sobran as palabras.

Este martes desfrutamos de moitas curiosidades dun país como China da man de Miguel Cortés. Facendo unha introducción sobre a escritura a longo da historia, centrouse en China, onde partindo dos catro tesouros foi desenrrolando como se escribe alí. De dereita a esquerda, de arriba abaixo, non hai letras si non caracteres…Un mundo moi complexo, pero moi interesante e cheo de maxia, que nos axuda a comprender un pouco máis ese país tan diferente ao noso.

Os nosos intentos

No País do vento

Un bo feixe de nenas e nenos, outro feixe de mamás, papás, avoas e… Charo Pita levounos a todos ao País do vento xunto coa familia Papaventos. Escoitamos as súas aventuras, repetimos, cantamos e aprendimos as súas cancións, rimos e incluso chorimicamos. Unha delicia que invitaba a moverse ao son da guitarra e a voz de Charo. Fermosa e entretida tarde.

O martes 24 tivemos a oportunidade de gozar de “Isto non é unha caixa” da man de Sarabela Teatro, un espectáculo que xunta unha música moi ben escollida, un afortunado fondo escénico e un relato arredor das nove maletas viaxeiras. Coa participación dun público interesado en propoñer novos destinos nesta viaxe, a tarde fíxose curta para satisfacción de todos e todas.

O martes 17 tivemos na biblioteca Manuel María de Oleiros a oportunidade de aprender a montar marionetas de variñas. Da man de Anxo da Asociación de Amigos do Museo Galego da Marioneta, os/as asistentes déronlle forma ao papel de xornal e cartolina, confeccionando cada un a súa cun magnífico resultado. Un traballo lúdico con materiais de reciclaxe.

Cunha música ambiental que invita á relaxación, empeza a actuación de hoxe na nosa biblioteca. Logo de estar un rato esperando a hora do inicio cambio radical de esquema. Rompemos o xeo cunhas rimas, cancións rimadas, repetitivas que fan que ata o público maior participe activamente e sexan eles quen anime aos máis pequenos a cantar con Pablo.

Cando xa temos a todo o mundo animado e con gañas de máis, metémonos de cheo nos contos. Contos teatralizados, con teatriño, con maxia e ilusión.

Caras de ilusión, de querer máis e de saber a pouco.

Unha sesión da Hora do Conto moi leda e coa participación activa por parte do público asistente.

Carmen Domech engaiolou a tod@s coa súa profesionalidade, tanto na narración coma cos seus bonecos, o tapiz-escenario, etc.  Resultado magnífico. Ademáis ao remate informou aos asistentes da posibilidade de baixar contidos e actividades plásticas relacionados co conto narrado da súa páxina  www.titerescachirulo.com

Nun ambiente moi ledo e relaxado, foi narrada a historia do Xigante e todas as fases de este evento foron debullándose sen case sentir.

A actividade está baseada no conto de Oscar Wilde “O xigante egoísta”, e presta especial atención ao valor moral de compartir, de desfrutar compartindo o que temos,  neste caso un precioso xardín.  Gustou a pequenos e maiores, obtendo un resultado magnífico ao remate da sesión, todos aplaudiron, a xente miudiña inclusive.

Magnífico!!

Este 24 de outubro, Día da Biblioteca, celebrámolo na BPM Manuel María de Oleiros coa narradora Marisa Irimia e os seus Contos de marmeleiro, anís e limón. Un feixe de contos máxicos onde os nenos puideron ser tamén protagonistas por un día. Risas, sorpresas, finais inesperados… unha sesión de contos chea de emocións e moi moi entretida.