Fantástico espectáculo no que Paco Cerdeira interpretou unha escolla dos seus temas a ritmo de rock e máis estilos, alternando coa narración das historias que nelas se recollen.
A rapazada asistente pasouno en grande bailando, participando e escoitando os contos.
Os Ratos de Lonxedetodo visitaron unha vez máis a biblioteca municipal do Grove para vivir unha nova aventura en compañía da rapazada.
Contos, música e moita diversión para grandes e pequenos.
Caxoto Contacontos achegou ata a biblioteca municipal do Grove un divertido obradoiro de creación de videoclips no que participaron nenos, nenas, nais e, como non, bibliotecarias.
O resultado desta divertida tarde o veremos en breve cando nos fagan chegar o videoclip xa montadiño
TrinkeTrinke Teatro achegou á biblioteca do Grove unha fantástica sesión de contacontoso co fin promover a lectura, espertar o gusto pola literatura, estimular a sensibilidade, a imaxinación, a creatividade e o espírito crítico dos nenos-as a través da narración dos contos e, singularmente, dos distintos xeitos de contalos .
Fuco, un simpático Rato de Biblioteca que procede de Lonxedetodo, lugar onde os libros e a lectura son moi importantes na vida da comunidade, contounos historias moi interesantes e divertidas.
Pasámolo moi ben cos contos, cantamos, bailamos e pasamos todos xuntos unha fantástica mañá de sábado.
Trinta bebés, acompañados de pais, nais e irmáns, participaron o sábado na actividade de contacontos “O curral de Cocoricoricó” a cargo de Charo Pita
Os asistentes asistiron ás aventuras e peripecias de Cocoricoricó e os seus compañeiros de curral na búsqueda do Arco da Vella. Xogaron, cantaron e pasaron un momento de lecer en familia.
O sábado 25 de marzo tivo lugar na Biblioteca Municipal do Grove o obradoiro”Audicontos” a cargo de CreAppcontos e dirixido á rapazada a partir de 6 anos.
Os asistentes aprenderon a utilizar Tablets e Apps para crear os seus propios contos , con audios e coa posibilidade de engandir a súa propia voz, explorando as novas Tecnoloxias Emerxentes.
Unha vez rematados os contos, todos os participantes realizaron unha exposición para os seus familiares, compartindo historias e lecturas nunha fantástica tarde de sábado.
Esta actividade facilita e estimula o desenvolvemento d@ nen@ a nivel emocional, intelectual e social. Promove a creatividade, a imaxinación, o galego e a fala dende os novas tecnoloxías
O luns 16 de maio Gonçalo, integrante da compañía Elefante Elegante achegou ata a biblioteca municipal do Grove o contacontos teatral “O Xigante”, e narrou las peripecias dun home dun reino moi, moi lonxano que decidiu emprender unha viaxe hasta dar cunha árbore moi especial de cuxas polas nacían libros, moitos libros!!
O Público asistente acompañou ao home na súa longa viaxe e pasouno en grande.
Os integrantes de Pavís Pavós achegaron ata a Biblioteca Pública Municipal do Grove unha sesión de contos durante a cal recuperaron a forma tradicional de narrar, os arrolos, os cantos e as ladaíñas para bebés.
Grandes e pequenos pasaron unha agradable mañá de sábado compartindo historias, cancións e xogos
Na biblioteca Municipal do Grove celebramos o “Día Internacional do Libro” na compañía de Trinketrinke Teatro.
Un nutrido grupo de rapaces e rapazas asistiron ao contacontos acompañados dos seus familiares, que tampouco quixeron perderse o espectáculo. “Riciños de Ouro e os Tres Osos” é un conto que nunca pasa de moda, imprescindible para a animación á lectura dos pre-lectores e primeiros lectores.
Unha divertida mañá de sábado na que grandes e pequenos o pasaron en grande escoitando contos, cantando, bailando e xogando co rato Fuco.
O 2 de abril é o “Día Mundial da Literatura Infantil e Xuvenil” e tamén é o “Día Mundial da Concienciación sobre o Autismo” polo que decoramos a biblioteca con globos azuis para participar na iniciativa “Light it up blue”. Ademais, ao rematar, todos os asistentes inflaron un globo azul e posaron con el para a foto.
“A falta de pan, bos son contos” Xarope Tulú
Atenea García achegou ata a biblioteca municipal do Grove un espectáculo de contacontos interactivo e participativo no que os xogos tiveron un papel fundamental para captar a atención da rapazada e facela implicarse na narración das diferentes historias que tiñan“O tempo da fame” como fío condutor.
Hainos delicadiños para comer. Hainos que comen os bens dun cura. Pero como ben din os que saben; o comer e o rañar todo o malo é empezar. Abride ben as bocas que aló vai a primeira bocada…
Fantástica mañá de sábado na compañía de Xarope Tulú
Séguenos