O venres 5 de setembro realizamos na Biblioteca do Grilo-Cacheiras un obradoiro sobre creación de cómic autobiográfico impartido polo ilustrador Denis Carballás. Houbo un pequeno repaso da linguaxe do cómic e de cómo crear personaxes. A continuación, cada participante elaborou unha pequena historia que presentou ao grupo.
O martes 24 de xuño visitounos Montse Rivera para axudarnos a coñecer e poñer an valor a figura das cantareiras dentro da realidade galega. Xunto á explicación, houbo tempo para probar a tocar e cantar coma elas o facían nas foliadas
O venres 2 de maio, para conmemorar o Día contra o acoso escolar, na Biblioteca do Grilo-Cacheiras, un espectáculo que combina actor con monicreque e axuda á rapazada máis pequena a entender un tema tan complexo dende a comedia e o coñecemento da realidade que ten arredor. Desfrutamos tanto grandes como pequenos coñecendo as peripecias de Xurxo. Grazas a Malasombra Teatro por traer este espectáculo tan necesario
As peripecias de Xurxo na Biblioteca do Grilo-Cacheiras
As peripecias de Xurxo Biblioteca do Grilo-Cacheiras2
O xoves 19, tivemos na biblioteca a visita de Laura Alonso, que amosou como facer unha pequena peza en Stop Motion a partir de debuxos da rapazada que veu probar as súas dotes artísticas. Unha divertida maneira de aprender un pouco máis sobre o mundo da animación.
O venres 13 de setembro visitounos Paula Carballeira para falar con nós de teatro, de ler teatro e imaxinalo. Arredor da peza “As alumnas”, a súa autora, Premio Nacional de Literatura Dramática 2023, conversou sobre o proceso creativo dunha obra teatral, das mulleres na historia, na educación, de memoria e identidade.
O venres 6, tivemos a oportunidade de coñecer cómo facer un álbum infantil dende o momento de ter a idea ata o produto final. Toda unha viaxe pola maneira de ilustar, maquetar, escribir… da man das autoras da obra Monstr3s, Laura Parrula e Óscar Villán
O venres 29, Paula Carballeira presentounos Elas tres (a nai, a nena, a bruxa) e moitas outras , unha selección de historias na que coñeceremos o importante papel das bruxas, moi alonxado do que habitualmente presentan outros contos
O venres 15 de setembro visitounos Caxoto para contarnos a historia do que pasou na granxa de Xan cando o galo non cantou e Xan quedou durmido e non se levantou para dar de comer ós animais. Divertida historia na que combina música, narración e títeres implicando ao público de todas as idades.
O venres 8 de setembro recibimos a visita dos Ratos de Lonxedetodo, que contaron as súas investigacións sobre outros animais que viven arredor e aproveitaron para contarnos algúns contos que teñen a estes animais como protagonistas. Espectáculo que combina narración, música e moita diversión.
O venres 23 tivemos a visita de Charo Pita, con este espectáculo para nenos e nenas de ata 3 anos, combinando a narración oral e a música para axudar a un primeiro contacto dos máis pequenos coa lectura e a interactuar con pais e nais nesta experiencia lectora.
Charo Pita na BPM do Grilo
Séguenos