O venres 2 tivemos xornada para a divulgación científica da man de Vicente Mohedano e o seu Be water!. Trátase dun show que combina explicacións teóricas con experimentos prácticos nos que o público asistente ten moito protagonismo. Partindo do concepto da auga, cubre un importante espectro de temas relacionados con este elemento. Unha estupenda forma de aprender e divertirse.
O sábado 26 os máis pequenos desfrutaron desta combinación de bonecos, música e contos que trouxo Animar-t. E non solo os bebés o pasaron estupendo con photocall incluido que xa quixera para só a cerimonia dos Óscar.
Para celebrar o Día das Bibliotecas, veu visitarnos O Bardo Abelardo para compartir con nós a música das árbores. Música e Natureza para diversión de todos os que alí estabamos.
O sábado 18 tivemos tarde de maxia na biblioteca. O Mago Teto presentou o espectáculo “4500 anos da incrible historia da maxia” na que fixo un repaso pola arte da maxia nos asistentes. As fantásticas e sorprendentes historias da maxia, foron acompañadas,ás veces coa realización de xogos de maxia, e noutras ocasións coa explicación dalgún xogo, xogos baseados en segredos físicos e matemáticos, pois o fin e ao cabo, a maxia sempre estivo da man co coñecemento. Dende Exipto ó século XX, dos trucos con cubiletes á lanterna máxica….
O sábado revisitamos a un personaxe clásico da literatura infantil da man de Loreto Pertíñez. Combinando contacontos con taller interactivo traballamos a autoestima, autoaceptación e a aceptación da diversidade a través de xogos e dinámicas. Todos participan activamente cubrindo de gris a Elmer, facendo un enorme collage… E para celebrar as nosas diferenzas todos nos disfrazamos e pinta
mos a cara para rematar cunha canción.
O sábado 28 realizamos un obradoiro para crear as nosas bolsas en tea con motivos relacionados co iguladade e contra a violencia de xénero da man do Faiado de Nin. A verdade e que quedaron ben bonitas
O venres 27 visitounos en Cacheiras Brais das Hortas e compañía. Contaron contos arredor da iguladade e contra violencia de xénero acompañados ás veces de música. Exitazo asegurado….
O sábado 14, tivemos a visita de Antía Yáñez, que acompañada de Lúa, contounos a historia de convivencia e respecto á igualdade dentro do patio dun colexio.
O venres 19 recibimos na BPM do Grilo-Cacheiras a visita de Biosbardos co seu espectáculo Cómo axudo a Antón?. É un contacontos sobre o bulling, que se desenrola en dúas partes, unha primeira onde contan a historia, e unha segunda cun pequeno debate sobre o tema,onde os nenos califican o comportamento das persoaxes do conto cunhas tarxetas vermellas ou verdes que reparten, e entre todos intentan correxir os feitos que non lles gustan. É un espectáculo moi participativo e que tivo moi boa acollida de pequenos e grandes
O luns 15 de outubro, para celebrar os 10 anos do noso centro recibimos a visita de Óscar Villán, que nunha amena charla iniciou ós rapaces e rapazas no mundo da ilustración a través dos traballos feitos polo creador do Coelliño Branco. tamén houbo tempo para facer un pequeno repaso de algúns artistas importantes na historia da arte. O público non perdeu ollo da explicación.
Séguenos