Este pasado sábado, 12 de setembro, ás 11:30 h, maiores e pequenos puidemos gozar co concerto musical que nos achegou Magín Blanco ás Bibliotecas de Carballo.

Neste espectáculo deleitámonos con cancións moi agradables, que facían mover o noso corpo con ritmos suaves de jazz. Un espectáculo que varias familias decidiron aproveitar de maneira presencial vindo á biblioteca, sempre respectando as medidas de seguridade que se organizaron; e co que moitas outras puideron gozar desde as súas casas, pois Magín tamén nos ofreceu a posibilidade de facelo en streaming a través das nosas redes sociais.

Desde a Biblioteca de Carballo recomendamos esta actuación, que tivo moi boa acollida por parte do público.

Gracias por deleitarnos coa música que levas dentro da maleta, Magín!

Magín Blanco e a súa maleta

Vicente Mohedano presentounos un espectáculo cheo de experimentos e vídeos moi interesantes sobre a función da auga na Terra e no espazo, este pasado xoves 17 de outubro, ás 18:00 h na Biblioteca Rego da Balsa.

Aínda que os asistentes foron poucos, debido a factores externos á actuación, as familias participantes quedaron moi satisfeitas coa actividade.

Un show moi recomendado para todas as institucións que queiran promover o coñecemento da ciencia dun xeito divertido e dinámico para a rapazada.

Quen non soñou esperto algunha vez? Ti, eu, todos nós poderíamos protagonizar estas historias imposíbeis, historias de nenas e nenos coas que viaxar a planetas afastados, medrar e encoller o noso tamaño, converternos en monstruosos dinosauros e xunto aos indios montar a cabalo.

A Tareixa, o que máis lle gusta no mundo é xogar cos seus muiños de vento. Pero, de súpeto, un día deixan de xirar. Onde está o vento? 

   Contacontos sobre o libro “A Reconquista” a cargo da súa autora, gañadora ex-aequo do I Premio Fina Casalderrey pola Igualdade de Baía Edicións. Grazas a esta historia, as crianzas comprenderán que a igualdade non consiste en que os nenos fagan cousas de nenas e viceversa, senón en que todos e todas, gústenos o que nos guste, teñamos cabida no mundo (e neste caso, no patio do colexio).

= (Igual) quere concienciar os/as cativos/as e mozos/as da necesidade da igualdade na nosa sociedade, tratando temas diferenciadores cotiáns coma as cores, os traballos, os xoguetes ou a roupa.

View this post on Instagram

Hoxe na Ludoteca, tivemos unha actuación super divertida chamada a Familia Papaventos de Charo Pita. GRACIAS A TOD@S e a #lercontamoito por estas bonitas actuacións.

A post shared by Bibliotecas da Carballo (@bibliocarballo) on Oct 3, 2019 at 9:58am PDT

A familia Papaventos  que voa polo ceo poden ser de moitos tipos, pero se algo as caracteriza é que están cheíñas de historias e de alegría. Ademáis, como viaxan moito, a familia Papaventos coñece airexas e animais do máis estraño. Contos sobre a amizade acompañados pola voz e a guitarra de Charo Pita interpretando algunha canción do seu libro disco No país do vento.

Contacontos interactivo no que a través do conto sobre igualdade de xénero, Daniela Pirata, teremos que superar 7 probas para converternos nuns auténticos piratas. Ao finalizar e obter o desexado tesouro, teremos que enfrontarnos có Capitán que non permitirá que as nenas sexan piratas no seu barco. Na actividade, xogaremos, cantaremos, bailaremos, pintarémosnos e loitaremos contra a desigualdade.

View this post on Instagram

Acaba de rematar o concerto de Pakolas "Cores, contos e Rock'N'Roll" un espectáculo como os que sempre nos brinda Pakolas, cheo de marcha e enerxía. Veu acompañado da ilustadora Laura Romero e quedamos encantad@s coa súa visita. Que maneira tan estupenda de comezar a terceira xornada da #Prazadoslibros2019! Grazas a #lercontamoito por ofrecernos esta actividade. #prazadoslibros #feiradolibro

A post shared by Biblioteca Rego da Balsa (@bibliocarballo) on Jul 13, 2019 at 4:49am PDT

Nesta ocasión, e como acontece sempre con Pakolas, o seu espectáculo “Cores, contos e Rock’N’Roll” estivo cheo de ritmo e enerxía.
Veu acompañado da ilustradora Laura Romero e quedamos encantad@s coa súa visita, que serviu de inauguración para a terceira xornada da Praza dos Libros.

Hoxe, no Día Internacional da Biblioteca, fixemos unha festa. Maria Faltri visitóunos coa súa bibliodiscoteca itinerante cargada cunha boa lista de reproducción de música en galego, una selección dos mellores temas que se publican cada ano. Foi unha gran festa, na cal nos divertimos, cantamos, nos disfrazamos e bailamos. Perrucas, instrumentos, pompóns, e sobre todo moita empatía.

Grazas a tod@s por acompañarnos neste día tan especial e tamén dar as grazas a María Faltri por facernos cantar, bailar e rir coa súa bibliodiscoteca, actividade de animación á lectura que aparece no programa de actividades  Ler conta moito.