O sábado 27 de setembro tivemos unha cita moi especial na Biblioteca de Narón. A actriz Iria Pinheiro convidou a nenos, nenas e familias a celebrar a diversidad cunha festa de contos chea de humor, imaxinación e teatro de obxectos.

As súas historias cheas de maxia e diversidade fixéronnos rir, sorprendernos e soñar a partes iguais.

O pasado sábado 13 de setembro a biblioteca de Narón converterase nun escenario cheo de misterio e emoción coa actividade Escándalo na biblioteca, un xogo de escape room para nenos e nenas a partir de 8 anos.

Durante esta aventura, os/as participantes convertéronse en detectives para resolver un estraño caso que sacudiu á Aula Marabilla do colexio Fantasía. O grupo viña á biblioteca para asistir ao espectáculo do Mago X, pero… algo saíu mal. A luz marcha varias veces e, de súpeto, todo está revolto!

As nosas pequenas e pequenos detectives puxeron a proba a súa mente e traballaron en equipo para resolver o misterio. 🧠✨Unha vez máis, a experiencia demostrounos que non é bo deixarse levar polas aparciencias. 😉

O sábado 7 de xuño a nosa sala multiusos encheuse de maxia, música e ilusión coa visita da Fada Diana! Nenos e nenas (e tamén as súas familias) gozaron dun espectáculo cheo de fantasía, participación e aprendizaxe.

Coincidindo coa celebración este pasado xoves 5 do Día Mundial do Medio Ambiente, viaxamos a un mundo máxico onde aprendemos que a reciclaxe, o coidado do planeta e a igualdade tamén poden ser cousa de fadas.

Con danza, circo, maxia e moita diversión, a Fada Diana fíxonos lembrar que todas e todos podemos ser parte do cambio.

O pasado sábado 24 de maio viaxamos directas ao espazo! Da man de Trémola Teatro as nenas e nenos descubriron a dúas mulleres fascinantes que fixeron historia máis alá da Terra: Valentina Tereshkova e Sara García Alonso. A través da imaxinación, o humor e a narración, a nosa protagonista achegounos o soño de converterse en astronauta… e tamén o de atopar a mellor mascota do universo! 🐾✨

O sábado 19 de outubro gozamos dunha sesión inesquecible de Contacontos sensorial na biblioteca! 🧸✨ Bebés e as súas familias mergulláronse nunha experiencia chea de emocións a través de palabras doces, cancións suaves e obxectos que estimularon os sentidos. Cada sorriso e cada mirada curiosa fixeron desta mañá un momento máxico de aprendizaxe compartida. 🎶👶

Grazas a todas as familias que nos acompañaron e fixeron desta actividade un éxito! Non podemos esperar para vivir máis momentos así con vós! 💖📚

O pasado sábado 5 de outubro A BPM de Narón encheuse de alegría e música coa celebración dunha actividade moi especial. Caxoto Contacontos, que leva dúas décadas percorrendo as bibliotecas de Galicia cos seus espectáculos, trouxo á nosa biblioteca unha selección dos seus “Grandes éxitos 2004-2024”.

Foi un evento participativo e festivo, no que non faltaron as cantigas tradicionais, os xogos musicados e os bailes, que fixeron desfrutar tanto aos máis pequenos e pequenas como ás súas familias. A biblioteca viviu unha mañá inesquecible, chea de sorrisos e ledicia, como en cada visita de Caxoto.

O pasado venres 4 de outubro acollemos na BPM de Narón o interesantísimo obradoiro Aprende a facer un podcast no que todas as persoas participantes aprenderon os segredos desta potente ferramenta de comunicación.

A actividade deu tanto de si que ao rematar todas as persoas participantes xa tiñan gravados os seus primeiros episodios con temas tan diversos como a música a actualidade musical e a música antiga), os fenómenos paranormais, os recursos para tempos de crise, as habilidades sociais, a Programación Neurolingüística, a literatura e mesmo un podcast sobre este propio obradoiro de podcast!

O sábado 7 de outubro recibimos a Manuel Vicente na Biblitoeca de Narón. Da súa man aprendemos unha morea de cousas: o que teñen en común os/as científicos/as e os escritores/as de novelas detectivescas, o que hai que saber para ser un bo ou boa investigador/a, a separar o ADN dun ser vivo, a estar atentos/as a todos os detalles do escenario dun crime e… a que tras a cara de boa dalgunha bibliotecaria pode agocharse unha despiadada asasina 🤦