Pedro Bugarín visita o noso centro co seu espectáculo de maxia.Cativos e cativas, soñaron despertos cos trucos do noso mago favorito, un espectáculo fantástico, onde non pararon de rir…;pero temos que confesar que o truco da guillotina deunos un poco de medo.

Fantástico remate do campamento de verán!

Os nenos e nenas de Fontiñas desfrutaron este mércores 11 de Xullo nos exteriores do centro cívico , cos contos que trouxo Anxo Moure e o seu “Carballo con botas”, actuación correspondente ao programa de  Ler Conta Moito.

A través das súas historias os nenos e nenas descubriron aspectos das árbores e a naturaleza, dentro dun entorno privilexiado como é o nosos parques en Fontiñas.

A actuación durou  ó redor dunha hora,  entre risas e xogos,cantaron, bailaron, nenos e nenas dos campamentos de verán dos centros cívicos de Fontiñas, Ensanche, Vite,Conxo e Santa Marta.

A actividade foi de gran entretemento para os cativos, onde Anxo con esas vestimentas tan divertidas, e co seu saber contar…fixo unha boa labor didáctica sobre como coidar a natureza….

Volve pronto……

O martes, 19 de xuño, visitounos na biblioteca de Sta. Marta, Patricia de O faiado de Nin, ca que pasamos unha tarde moi entretida levando a cabo todo o proceso de elaboración do noso propio conto, comezando pola creación da historia, a ilustración e finalmente pasamos o proceso técnico de encadernado a modo de pequenos libriños plegables. O resultado foi do máis coidado por parte dos nosos participantes, a vista está a calidade das nosas obras.

O sábado, 16 de xuño, Elefante Elegante presentounos o seu Lobo Bobo, unha proposta moi interesante e que lles gustou moito os asistentes.

Imaxinádevos como cambiaría a historia dun clásico como é Carapuchiña Vermella, tan so cunha pequena modificación, como por exemplo, que o lobo feroz se fixese vexetariano. Da que pensar… Pois esta é a proposta de Gonçalo Guerreiro con outros contos de sempre.

O venres, 15 de xuño, na Biblioteca J. Saramago do CSC de Sta. Marta, convertémonos todos en pequenos detectives para axudar a Carmiña e Xustino, uns bibliotecarios un tanto despistados, a resolver a lea na que se meteron. Unha actividade moi interesante que fixo que os participantes se mergullasen de cheo en tódolos recunchos  da biblioteca,  e o mesmo tempo achegalos/as a labor dos bibliotecarios/as.

O venres, 15 de xuño, visitounos na nosa biblioteca no Centro cívico de Vite en Santiago de Compostela “O Faiado de Nin” que desenvolveu este divertido obradoiro que encantou os/as participantes. Patricia amosoulles a maneira de elaborar os seus minicontos: crearon uns divertidos personaxes, imaxinaron unhas aventuras do máis abraiantes e decorárono con moito tino.

Para conmemorar o Día das Bibliotecas, este sábado 21 de outubro na Sala Agustín Magán, Gloria Mosquera, Tomi López e Iago Rodríguez ou o que é o mesmo o grupo Mamá Cabra, fixo gozar os asistentes cun espectáculo no que cantaron e bailaron as súas mellores cancións.

O día 8 de setembro tivemos festa no Centro Sociocultural de Conxo con Pakolas¡ Música infantil con estilo próximo ao rock para compartir en familia. Viñeron a participar do concerto uns corenta nenos acompañados das súas nais e pais dentro da programación da XXXI Semana Cultural de Conxo; e debido á boa temperatura e climatoloxía fíxose en espazo aberto. En total serían unhas oitenta persoas.

O pasado sábado 27 de maio, Charo Pita acercou os mais cativos/as o mundo máxico dos libros a través de cancións, xogos corporais e narracións de pequenas historias. Todos os animais da granxa de Cocoricoricó axudaron o pequeno poliño a buscar o sorriso da lúa.

Soledad contou dunha maneira moi sinxela pero con gran sentimento os contos máis coñecidos de Casares, como a historia de Ana, a nena que máis felicidade esparexía pola súa aldea, pero un día a súa familia decide emigrar para buscar un futuro mellor, entón Carlos queda pensativo, non pode permitir q Ana perda a súa lingua e as aventuras da xente da aldea. Idea un plan en que vaille escribir tódolos feitos tan peculiares que pasan nese lugar: como o día que apareceu unha galiña azul que dicía kokorÓ, e as autoridades querían facerlle dano; ou o día que o peixe do estanque morreu por ser solidario cun paxariño; ou cando Leoncio creou a bomba da felicidade…