Día 24 de outubro de 2025 ás 21:30, biblioteca de Escairón

Celebramos a Semana das Bibliotecas coa actividade do programa Ler conta moito…

Sabes coser? obradoiro de contos sobre igualdade 

da man de Anxo Moure

o 24 de outubro, ás 21:30

Despois de cear, saímos ó patio da biblioteca para recibir a este estrafalario e sorprendente gardador de historias dos bosques e da natureza, que chegou coa súa ciclobiblioteca para contarnos historias da natureza, dos bosques, de seres fantásticos, lendas próximas e historias lonxanas, todas elas falando de solidariedade, amor e fantasía.

Escoitamos, cantamos, saltamos, berramos, bailamos e paseamos na caixa de historias da ciclobiblioteca…e tamén guiamos a bicicleta, non só os seres humanos diminutos, se non tamén os máis grandes.

En resume, pasámolo xenial! E rematamos o día de festa cun pequeno espectáculo sorpresa!

Día 24 de outubro de 2025 ás 20:00, biblioteca de Escairón

Celebramos a Semana das Bibliotecas coa actividade do programa Ler conta moito…

Lettering co Cancioneiro Popular Galego

da man de Velaísca

o 24 de outubro, ás 20:00

Despois de viaxar pola galaxia, relaxámonos na nosa terriña galega, e despois de facer un rato de caligrafía de lettering para acostumarnos a facer os trazos, escollemos un verso que nos chamara a atención dos moitos que nos ofrece o cancioneiro tradicional galego.

Fixemos auténticas preciosidades, e rimos con algúns dos inesperados versos. Tamén sabemos que temos moitos cancioneiros tradicionais galegos na biblioteca.

Día 24 de outubro de 2025 ás 19:20, biblioteca de Escairón

Celebramos a Semana das Bibliotecas coa actividade do programa Ler conta moito…

Contacontos interactivo de “O androide Simón” 

da man de Boadicea Editora

o 24 de outubro, ás 19:20

Con algo de retraso sobre o horario previsto, chegou o androide a contarnos a súa aventura pola galaxia.

Mentras nos ían lendo a historia, nós dabamoslle cor ás diferentes láminas que representaban as etapas da viaxe do androide pola nosa galaxia.

Coma sempre, podemos atopar libros que nos falen do espazo e as galaxias na sección de ciencia da biblioteca.

Día 24 de outubro de 2025 ás 16:00, biblioteca de Escairón

Celebramos a Semana das Bibliotecas coa actividade do programa Ler conta moito…

Debuxando un conto

da man de Estefanía Padullés

o 23 de outubro, ás 11:00 na biblioteca

Con rapazada de 6 a 12 anos, logo dunha breve presentación sobre que partes conforman un libro, vendo uns exemplos do traballo de Estefanía, puxémonos mans á obra.

Seguindo as directrices da autora, soubemos que é unha portada, cantas partes compoñen unha historia e establecemos que iamos escoller unha personaxe á que lle vai pasar algo e decidimos como vai rematar a nosa historia.

Unha vez planificada a nosa historia, sabendo que ía estar composta por 5 páxinas, decidimos que ía pasar en cada unha delas e como iamos representalo.

Con 5 folios en branco, unha cartolina, un lapis e cores, creamos incribles historias.

Tanta era a emoción, e a ilusión de que se traballabamos ben, o noso traballo ía quedar na biblioteca, formando parte do catálogo de obras, que nos esforzamos ó máximo e saíron unhas historias fermosísimas.

Ademais coñecemos en que sección da biblioteca vai estar e por que. Tamén soubemos como se vai identificar e por que. Poderemos atopalo en breve no catálogo da biblioteca onde tamén temos os libros de Estefanía Padullés.

Día 21 de outubro de 2025 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Contacontos sensorial

da man de Eduvía (Vías para a Educación)

o 24 de outubro, ás 11:00 na biblioteca

Coma en anteriores edicións, convidamos a pais, nais, avós, avoas, profesoras e bebés a visitar a sala infantil da biblioteca para coñecer a sala infantil, nomeadamente a sección Bebeteca. Ademais, Patricia a través da actividade Contacontos sensorial achegounos ás sensacións que sons, colores, olores e tacto provocan en nós e en contacto cos nosos bebés.

Ademais de xogar coa nosa voz, aproveitamos para, xuntos, ver e tocar diferentes obxectos, para SENTILOS.

Podemos xogar coa nosa voz modulándoa para contar un conto.

Rematamos co sentido do olfacto, co que rimos un pouco bastante.

Cantamos, bailamos, rimos, pero sobre todo sentimos.

Rematada a sesión sensorial, xogamos cos libros da biblioteca para coñecelos e recoñecer que hai que podemos levar para a casa ademais da idea de xogar cos nosos sentidos e cos dos bebés, sabendo que na casa (coñecendo as súas preferencias, alerxias e intolerancias) ademais de coa vista, o ouvido, o tacto e o olfacto, podemos xogar co sentido do gusto, ofrecéndolles sabores novos e con diferentes. Os materiais para bebés que temos na biblioteca poden consultarse no catálogo da Rede de Bibliotecas de Galicia [consulta aquí os libros da Bebeteca].

Día 24 de outubro de 2024 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Contacontos sensorial

da man de Eduvía (Vías para a Educación)

o 24 de outubro, ás 10:30 na biblioteca

Reunímonos pais, nais, avoas, profesoras e bebés na sala infantil da biblioteca ó redor de Patricia, que co seu Contacontos sensorial nos achegou ás sensacións que sons, olores e tacto provocan en nós e en contacto cos nosos bebés.

Primeiro xogamos co tacto e o son da nosa voz, que son os que máis recoñece polo de agora.

Despois xogamos co tacto e as texturas.

Ó final foi o sentido do olfacto co que xogamos, deixando polo de agora o do gusto para evitar problemas con alerxias e intolerancias, pero levamos para a casa a idea de xogar cos sabores frescos e co xeo cando chegue a época de calor.

Rematamos cunha canción e bailando. En fin, unha auténtica viaxe cos sentidos!

Levamos un fermoso recordo das sensacións que nos produciu, ademais dun pedazo da sesión: unha flor de papel, un carozo e uns grans de millo, unha pluma, un talo de menta para ulir,…

Ademais coñecemos os materiais para bebés que temos na biblioteca, e que se poden consultar no catálogo da Rede de Bibliotecas de Galicia [consulta aquí os libros da Bebeteca].

Día 23 de outubro de 2023 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Atrévete a facer o teu propio conto

da man de Estefanía Padullés

o 23 de outubro, ás 11:00 na biblioteca

Co alumnado da ESO do colexio de Escairón, logo dunha breve presentación sobre quen escribe ou ilustra un libro, pasamos a ver uns exemplos do traballo de Estefanía.

Despois vimos unha pequena mostra variada de libros de banda deseñada de distintas épocas, temáticas e estilos e como se asemellan a unha película.

Soubemos por que uns mangas están en branco e negro, e outros en cor.

Vimos como se recrea o movemento nun debuxo, ou como un debuxo insinúa cousas só porque é máis grande ca outro nunha páxina de banda deseñada. Vimos diferentes perspectivas e outros truquiños de ilustración.

Seguindo as directrices da autora, e coa introdución A noite caera sobre as ruínas,… unha noite fría e chuviosa. Achegábase a tormenta empezamos a planificar e deseñar a nosa primeira páxina de banda deseñada.

Só cunha folla en branco e un lapis, descubrimos múltiples escenarios ruinosos.

Acabou facéndosenos curto, pero cando teñamos rematadas as nosas páxinas, poderemos expoñelas na biblioteca!

Ademais coñecemos algúns dos materiais da sección de banda deseñada que temos na biblioteca, e que se pode consultar no catálogo da Rede de Bibliotecas de Galicia [consulta aquí os libros da Comicteca] e tamén os libros de Estefanía Padullés.

Día 21 de outubro de 2024 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Autobiografía cuantificada II

da man de María Meijide

o 21 de outubro, ás 11:00

Recibimos a María con algo menos de temor ca o ano pasado polo que teriamos que facer. Para facernos relaxar, empezou presentándose outra vez ela e mostrándonos algunhas das cousas que fai.

Logo dalgunhas lecturas e conversas, escribimos un pouquiño sobre nós: o que nos gusta (o calor dos raios do sol nos pés ó sacalos da auga do río no verán), o que non (as bágoas do bebé que acolamos, cando non sabemos que facer para que pare de chorar), etc.

Algunha das súas obras publicadas pódese atopar na biblioteca. Podes consultalo neste enlace.

Día 17 de outubro de 2024 ás 11:30, biblioteca de Escairón

Celebramos a Semana das Bibliotecas coa actividade do programa Ler conta moito…

Cueiros de cores

da man da Ratiña Faifá, de Trinke Trinke

o 17 de outubro ás 11:30 na biblioteca

Recibimos na biblioteca á Ratiña Faifá, que veu visitarnos desde Lonxedetodo:

Comezamos facendo exercicio para adestrar a mente e o corpo para escoitar contos: ¡1, 2, 3, arriba!:

Cantamos e bailamos con María Fumaça:

Tamén vimos puidemos mirar o cueiro doutros animais…

Cantamos e bailamos, divertímonos cos contos, pero tamén recoñecemos as nosas emocións…

… axudándolle ó Monstro de cores a recoñecer as súas:

Pasámolo tan ben, e gustounos tanto, que nos deu pena que tivera que volver de novo para Lonxedetodo, así que a despedimos cunha grandísima aperta!

Fixemos unha selección de contos para acompañar a esta sesión de contacontos, que se atopará na Casa dos Ratos ata o Nadal.

Día 25 de outubro de 2023 ás 11:30, biblioteca de Escairón

Celebramos o mes das bibliotecas coa actividade do programa Ler conta moito…

Autobiografía cuantificada

da man de María Meijide

o 25 de outubro, ás 11:30

Recibimos a María cun pouco de temor polo que teriamos que facer, pero para facernos relaxar, empezou presentándose ela e mostrándonos algunhas das cousas que fai.

Despois diso, fomos soltándonos pouco a pouco e fomos contando cousiñas. Así cando tocou escribir xa non nos resultou tan difícil.

Falamos, lemos, rimos e tamén choramos lendo os momentos importantes da nosa vida que escribimos.

Aprendemos que se pode escribir sen sentido e contradicíndonos, que é tamén unha maneira de expresar o que nós somos.

O certo é que as 2 horas con María nos souberon a pouco e estamos desexando repetir!