Pakolas é un espéctaculo infantil que combina pequenos contos con moralexa coa música rock ao tempo que se van ilustrando por Laura Romero as personaxes que saen neses contos, de xeito que o resultado final é unha dinamización musical de contos cantados con guitarra e ao ritmo de rock rollo acompañada de debuxos ,na que todxs os nenos interactúan con xestos, bailes e coros ao ritmo das cancións.

Este venres 13 de setembro, tivemos ocasión de disfrutar dete espectáculo na Casa da Cultura Manuel Lourenzo do Concello de Valadouro, 140 nenos e nenas do CEIP Santa María do Valadouro foron o público afervoado que aplaudiu e coreou as cancións de Pakolas de principio a fin.

actuación de Pakolas

Casa de Cultura do Valadouro

Maxia de catro a catro” é un espectáculo do Mago Pedro Bugarín totalmente renovado e que se caracteriza por ser emocionante, versátil e sempre en clave de humor. Reúne maxia tradicional con xogos 3.0, ilusionando co máis mistico da literatura clásica e o máis moderno das tecnoloxías, un espectáculo ameno e entretido de carácter familiar con máis de 125 persoas de catro a noventa anos. Trucos e xogos con todo tipo de público para favorecer o caracter da igualdade que posúe a convocatoria.

Na Biblioteca de O Valadouro recibimos o espectáculo Música na Cociña o pasado 2 de setembro de 2019 . A través das súas historias e a súas viaxes descubrimos que se pode facer música con instrumentos de cociña. Unha actividade moi amena e divertida.

o venres, 16 de agosto, Caxoto trouxo ó salón de actos da Biblioteca Pública un conto no que os nenos e nenas interactuaban co contador. Unha activiadade didáctiva onde daba a coñecer varios dos instrumentos musicais de cultura tradicional galega como a gaita galega ou a pandereta.

O pasado venres, 9 de agosto, a biblioteca municipal de O Valadouro organizou un obradoiro para sensiblizar ós máis novos da casa sobre os poderes dunha alimentación sana. Despois, entre todos, realizaron uns contos dos poderes dos alimentos preferidos.

Nesta mañá do venres 26 de xullo tivemos a visita dunha excepcional narradora e contadora de historias. Por medio dos ricos e variados matices da súa voz e contando co apoio gráfico das ilustracións Pop-Up, Fátima levounos por un fantástico percorrido de aventura  e imaxinación a través desas imaxes tridimensionais e sorprendentes que agochan algúns libros.

Os nenos e nenas do Valadouro coñeceron así o impuntual e cuentista Xacobe que sempre inventaba excusas para non facer o que lle dicía súa nai ata que coñeceu unha máxica receita contada polo avó para enfeitizar a unha mamá

Casa da Cultura de Valadouro

enfadada.

Tamén soubemos de Uxío e Antón, atrapados nunha disputa sen fin se as nubes que vían no ceo era un pato ou un coello…E que dicir da mosca namoradiza que intentaba sen moita sorte engaiolar a un caracol, unha bolboreta, un verme a ata un camaleón…Unha mañá divertida e amena da man de Fátima Fernández.

Aires de Rock soplaron no Valadouro, concretamente Contos, Cores e Rock and Roll un espectáculo co marchoso Pakolas facendo a voz e guitarra eléctrica. Veu acompañado da ilustradora Laura Romero virtuosa e áxil aos pinceis que era capaz de debuxar os personaxes que cantaba o seu compañeiro no tempo breve dunha canción. Pakolas cantou con ritmo vibrante e pegadizo as historias de moitos personaxes que habitan nas páxinas do seu libro. O furafollas pequeno animaliño que vive no bosque ao pé das árbores, A simpática e brava Quenlla que surca o mar, Baldomero o mero que busca un tesouro no fondo do mar e pesca no faro, o pato perseguido por un chef inglés que quería convertilo en pato á naranxa,, a canción Ri, salta como un mono na selva tropical…outras Campeón internacional que acompañou dun raro instrumento chamado theremin. Pakolas fixo de todo, non só cantou, tamén demostrou ser un inmellorable imitador de animais ou ser capaz de facer un solo de batería cos sons da  propia boca.

Os nenos, aplaudiron, fixeron coros, bailaron no patio de butacas e non querían marchar…un verdadeiro éxito de crítica é público no Salón de Actos da Casa da Cultura de Valadouro.

pakolas

Público de Valadouro

A compañía Leo Leiño achegou ata o salón de actos da Biblioteca Pública Municipal de O Valadouro o espectáculo de maxia denominado “A maxia de Mary Poppins” e na que as actrices-magas deleitaron con numerosos xogos de maxia a grandes e pequenos.

Chegan a biblioteca 0s teixos, freixos, bidueiras, aciñeiras, buxos…, para contar as suas historias, para aprender a abrazar as árbores, a coidar bosques, fragas, soutos…., para plantar unha árbore que conte contos, en defensa do futuro. Había unha barca máxica para ir ao bosque dos contos e con eles a pastora de nubes, o señor escocés, a monitora irlandesa, o lobo número 1 e número 2, a pastora das ovellas, unha barqueirinha, etc. Anxo ensinou aos nenos moitos contos, cancións e viaxes polo mundo das árbores. Foi un percorrido máxico pola natureza e os seres marabillosos que a habitan.

Cara a finais de curso académico, o pasado 19 de xuño e dentro do programa Ler conta moito, programouse desde a biblioteca pública municipal de O Valadouro o proxecto Bibliocanta.

Esta actividade estaba destinada a todos os públicos  pero especialmente ao público infantil, onde os rapaces aprenderon e descubriron cancións e coreografías populares.

Involucráronse todos os asistentes e bailaron, cantaron, riron… e con ganas de cantar.