Onte, 17 de outubro, a contadora de contos e actriz Raquel Queizás visitou a vila de Sarria co seu espectáculo “Elas sempre contan”. Co gallo da celebración do “Día das Escritoras”, Raquel presentounos varias lecturas escritas por mulleres, que ganas de comezar a leelas todas!!!
O venres, 10 de outubro, a educadora ambiental e contadora de historias Inma Soto visitou a vila de Sarria para presentarnos a Xela, a protagonista do conto que ela mesma edita xunto a Clara Cerviño.
Que ben o pasamos coñecendo as aventuras de Xela na aldea, amais de aprender o importante e necesario que é coidar a natureza. Volve axiña!!
Onte, venres 3 de outubro, a artista Noelia Porto de Lalá Teatro visitou a vila de Sarria co seu espectáculo “Eu quero ser” co que coñecemos diferentes profesións a través de xogos, contos e cancións. Encantounos a historia de Lúa, a protagonista…agora ámbalas dúas son as nosas amigas!
O venres 26 de setembro, Dani Blanco visitou a vila de Sarria co seu espectáculo “Circo na Biblioteca”.
Pasmounos cos seus malabares….que ben o pasamos!!
O pasado venres 27 visitou a B.P.M. de Sarria a Compañía de María Rodríguez coa súa adaptación do libro de Michael Ende, “O dragón e a bolboreta”.
Este marabilloso contacontos serviunos para achegar un clásico os nenos e nenas de Sarria, ¡Pasando unha tarde en familia desfrutando do teatro!
O venres 20 de setembro demos comezo as actividades de dinamización á lectura, incluídas no programa Ler Conta Moito, na B.P.M. de Sarria “Camilo Gonsar”.
Nesta ocasión, comezamos co espectáculo de títeres da compañía Títeres Cachirulo e a súa obra “Alicia no País das Marabillas”.
Tanto os pequenos, coma no tan pequenos acompañaron a Alicia na sua aventura. Primeiro seguiron ao Coello branco a este mundo de fantasía, merendaron co Sombreireiro Loco, xogaron ao criquet coa Reina de corazones, …tendo coidado en todo momento se medra como un xigante ou se fai pequeniña como unha flor.
O día 6 de outubro a Casa da Cultura de Sarria acolleu a actuación da artista Charo Pita representando “A cabeza a paxaros”, facendo as delicias dos pequenos e pequenas que asistiron e disfrutaron dunha tarde de teatro infantil.
A tarde do 29 de setembro a Casa da Cultura de Sarria recibiu a visita de Cris de Caldas, co seu espetáculo “A bibliotecaria estrafalaria“.
Os pequenos que nos visitaron disfrutaron da historia de Candelaria unha bibliotecaria a que chaman “estrafalaria” por gustarlle o diferente. Por ese motivo os contos que emprestou a Cris son tan divertidos e abraiantes que a todos os nenos que asistiron encantoulles poder coñecelos.
Agardamos que esta divertida tarde tamen poida transmitir a todos os nenos e nenas un anaco do amor polos libros e as bibliotecas co que está feito.
O pasado venres 15 de setembro achegouse ata a B.P.M. “Camilo Gonsar” de Sarria, o actor Fran Campos coa súa amiga Filipa para representar a obra “Filipa cos contos”.
Os dous contadores subiron a escea para narrar dende a súa propia experiencia distintos contos tradicionáis.
Maiores e pequenos disfrutaron das canción e as historias acompañadas de humor.
O pasado 27 de agosto recibimos a visita do contacontos Pablo Sánchez (Pablísimo) co seu espetáculo “Príncipas e princesos” unha volta de 360 graos a os contos tradicionáis.
Agora os príncipes visten de rosa, limpan e lavan a roupa! E as princesas enfróntanse a temidos dragóns!
O público infantil e non tan infantil pasou unha tarde moi divertida, que non dubidarían en repetir.
Séguenos