Charo Pita achegou un fermoso contacontos na Biblioteca Valle-Inclán de Redondela.
“A corpo contado”, como se chama a súa proposta, percorre historias tradicionais e lendarias de diferentes tradicións.
Nelas, a través da narrativa tradicional a singularidade dos corpos e as súas habilidades especiais toman o protagonismo.
Esta tarde o público máis miúdo de Chapela gozou da emoción da música, a cor, os sons e os contos, con “Contos pequeniños”, unha fantástica sesión de contos para bebés ofrecido por Bea Campos.
Nesta tarde, a maxia deixouse sentir, e os contiños e as historias chegaron con acompañamento musical e con moita ledicia.
Medio centenar de maiores achegáronse esta tarde ao auditorio do Multiúsos Piñeiral do Crego convidados pola Biblioteca Xela Arias de Chapela. Alí asistiron ao espectáculo “Conta miña compañeira”, un contacontos ofrecido pola narradora Lorena Piñeiro.
Historias de vida, coas que festexamos o Día Internacional das Persoas de Idade, co apoio do programa Ler Conta Moito, da Xunta de Galicia.
O pasado xoves a nosa poboación máis cativa, e mais os maiores que os acompañaban, gozaron de contos e historias na sesión “Cambio e conto” de Raquel Queizás, celebrada na Biblioteca Valle Inclán de Redondela.
A Biblioteca Xela Arias de Chapela celebrou o Día do Libro coa rapazada, a través do obradoiro creativo: «Contos en construción».
Unha proposta do grupo Costa Oeste que xoga a misturar contos clásicos, arquitectura e xogo espacial.
Unha actividade que parte do conto dos Tres Porquiños e lanzando a proposta aos participantes para que sexan quen de idear e proxectar as construcións necesarias para eses cochiños que xa afrontan a emancipación e a vida adulta.
Nenos e nenas participantes deixáronnos moi sorprendidos pola súa creatividade e por proxectar solucións moi orixinais e divertidas para as vivendas destes marranchos tan singulares.
+ INFO: https://redondela.gal/es/un-dia-do-libro-redondo-nas-bibliotecas-municipais
A Biblioteca Xela Arias de Chapela acolleu a función: “Onde viven os monstros”, un espectáculo de títeres cheo de personaxes monstrosos pero capaces de namorar ao público asistente.
Carmen Domech, condutora da función, soubo transmitir a emoción, a fantasía e o gozo das historias que formaban parte deste contacontos.
Con esta actividade festexamos o Día das Bibliotecas, que pudemos levar a cabo grazas ao programa Ler Conta Moito da Xunta de Galicia.
Este martes a Biblioteca Xela Arias celebrou un contacontos para cativos de 1 a 3 anos.
“Unha tarde especial con Dori”, da man de Batucado & Emusin, achegoulles a ledicia das historias próximas e a emoción dos estímulos sensoriais xoguetóns e sorprendentes.
Cancións, pompas de xabón, un globo viaxeiro… todos son elementos para xogar, contar e extasiarse.
Con esta actividade a biblioteca quere convidar aos máis pequenos das casas a achegarse aos nosos servizos, e facelos lectores (ou pre-lectores) da colección de contos e historias que temos preparadas na nosa Pequeteca.
+ INFO NO NOSO BLOG: https://bibliotecas.redondela.gal/unha-tarde-especial-cos-cativos-na-biblioteca
Este martes a Biblioteca Xela Arias contou coa escritora e ilustradora Estefanía Padullés para realizar un obradoiro de creación literaria para a rapazada da nosa contorna.
Un bo grupo de nenos e nenas de 6 anos en diante participaron e gozaron do proceso creativo de facer un álbum ilustrado. Un traballo ilusionante que os cativou, e que lles levou a percorrer camiños moi diferentes con historias ambientadas nos lugares máis emocionantes e dispares.
Un momento moi creativo e motivador para eles, xa que as ideas de uns, inspiraban aos outros, e viceversa.
Rapaces e rapazas interesados encheron as prazas, e saíron todos moi emocionados.
+ INFO: https://bibliotecas.redondela.gal/creando-historias-elaborando-libros-na-biblioteca-xela-arias
A Biblioteca Xela Arias festexou a chegada do verán cun contacontos no Parque do Piñeiral do Crego, o magnífico mirador de Chapela que se encontra a carón da biblioteca.
O Bardo Abelardo foi o encargado de amenizar esta pequena festa, e o parque, as vistas, as árbores, os elementos do parque infantil e as familias congregadas, o marco ideal para acollela.
+ INFO no noso BLOG: https://bibliotecas.redondela.gal/o-bardo-abelardo-inaugura-o-veran-na-biblioteca-xela-arias-de-chapela/
Este xoves, 30 de xuño, o parque do Piñeiral do Crego encheuse de festa, grazas ao contacontos ofrecido pola Biblioteca Xela Arias de Chapela dentro da celebración municipal polo Día do Orgullo LGTBIQ+
Manuel Solla, de Os Carballiños, achegounos “Voando libres”, un contacontos que falaba de tolerancia, de amor, de igualdade e de respecto ao diferente. Un espectáculo para eliminar clichés e trabas mentais, para poder voar libres segundo os nosos gustos e as nosas eleccións.
Nel contamos contos sobre tiburóns sen dentes, sobre ras vermellas, e moitas outras cousas máis… e asistimos a momentos de maxia e fantasía.
+ INFO no noso Weblog: https://bibliotecas.redondela.gal/voamos-libres-no-pineiral-do-crego-coa-biblioteca-xela-arias/
Séguenos