En “Tardes de Contos e Lendas” desfrutamos da actuación do grupo “Rigoletto Teatro”. O pasado venres 8 de outubro, foi unha tarde de lecer en boa compañíA. FACENDO BIBLIOTECA!

Concerto de PAKOLAS “Rockeamos todas con Pakolas”

Espectáculo de carácter familiar protagonizado polas mulleres que inspiran as cancións de PAKOLAS das que conta diferentes historias de superación que teñen que ver coa desigualdade, a loita pola liberdade e  o respecto.

A Biblioteca Municipal de A Illa de Arousa estivo este sábado 9 de outubro, con Olga Brañas e Pitusa Semifusa coñecendo os instrumentos da gran familia da música…

Unha tarde moi amena onde os rapaces e rapazas coas súas familias disfrutaron do seu espectáculo e puideron coñecer a través do seu traballo gran cantidade de instrumentos e a súa tipoloxía…

A bruxa Maruxa, ten un problema…….

Non quere ser bruxa!

E veu á biblioteca de Ares, para cantar e contar o que lle pasaba.

Este venres celebrouse o segundo serán de animación da programación especial “Outubro, mes das bibliotecas”. Un espectáculo protagonizado polo doutor Pedro Brandariz, que durante 60 minutos se converteu no noso “Médico de familia”. Ler máis →

Hoxe demos por rematadas as actividades do programa LER CONTA MOITO na Biblioteca Pública Municipal do Concello de Pazos de Borbén coa estrea mundial do excelente espectáculo “FRUMARIO O BIBLIOTECARIO” de MANUEL POMBAL no que “da man dunha personaxe moi especial os nenos e nenas descubriron os segredos máxicos que se esconden nos andeis da biblioteca. Dinámicas escenas de fantasía, asombrosas narracións, ciencia, poesía, música,… sorprenderon aos participantes, animándoos a buscar os tesouros que a lectura nos ofrece: Emoción, misterio, diversión… E o máis importante: Todo nun mesmo lugar, a nosa biblioteca.”

Nesta ocasión estiveron convidados os alumnos de 3º e 4º de Primaria do CPI “Curros Enríquez” de Pazos que gozaron deste espectáculo no que descubriron que nas bibliotecas existen mundos diferentes e poden vivir un sinfín de historias e aventuras dunha forma moi fácil e barata: Lendo.

Divertímonos moito coas andanzas do León azul que Trécola Teatro dramatizou na Biblioteca.

Hoxe 7 de outubro de 2021 na Biblioteca Municipal de Fene dou comezo o Ciclo Ler Conta Moito coa actuación de Xela Arias. Liberdade, solidariedade e amor pola lingua do grupo Polo Correo do Vento. Un espectáculo moi orixinal no que a través da música, da imaxe e da fala contan a vida e obra da escritora Xela Arias. Ademáis unha vez finalizada a exposición da biografía da escritora o ilustrador axuda a facer dunha forma moi sinxela ó pingüín protagonista da historia, simplificándoo de tal maneira que sorprendentemente, tanto nenos como maiores foron capaces de debuxalo. Unha tarde moi entretida na compaña de Polo Correo do vento.

Este sábado 2 de outubro puidemos coñecer da man dunha peculiar compañía de teatro, algúns clásicos do Século de Ouro. Un repaso pola maneira de escribir e facer teatro daquela época

O pasado sábado, 2 de outubro, gozamos dunha estupenda mañá de teatro en Carnota co espectáculo Noa no espello, de Sabela Gago, que engaiolou a grandes e pequen@s de comezo a fin.