E un ano mais remata o programa Ler conta moito en Allariz
Nesta ocasión visitounos Música Miúda, tres grandes músicos e profesionais que nos fixeron pasar unha tarde moi agradable e divertida coas súas cancións e os contos da vila de Bemol Pequeno.
Quedamos encantados!!
Moitas grazas
O luns 5 de outubro Pakolas visitou a Biblioteca de Frades con un espectáculo no que as protagonistas das cancións e contos son elas, nenas e mulleres. Figuras femininas que nos dan a coñecer historias de superación de xeito divertido e con ritmo de Rock. Unha actuación que promove a igualdade de xénero e lles amosa os nenos e nenas a importancia da mesma. A actividade foi todo un éxito, que fixo bailar e desfrutar a todo o público.
O pasado venres o Mago Paco tróuxonos á ALM de Carnota “Unha maxia diferente”, un espectáculo orientado a promover a igualdade de xénero que trata temas como a violencia ou o machismo e traslada valores como a igualdade entre mulleres e homes, o amor e o respecto. O humor e a interacción co público son dúas das claves desta montaxe, que resultou un éxito rotundo.
O pasado Sábado 10 de Outubro ás 18.30 h, pasou o Circo Mariño pola Biblioteca Municipal de A Illa de Arousa, e Klara decide averiguar que lle pasa ó león…
Coa representación do libro “O León Azul” a cargo das integrantes de Trécola Teatro, os nenos e nenas acompañados/as das súas familias pasaron unha tarde entretida…
O mércores 7 de outubro puidemos gozar cun fermoso contacontos grazas ao grupo Tropa de Trapo, que nos achegou con “Antía, Wamba e o regato pequeno” historias de Europa e África.
Este contacontos, que busca romper coa desigualdade e reforzar a tolerancia e solidariedade entre as persoas, tivo unha bonita posta en escea e recorreu tamén a cancións tradicionais como “A saia da Carolina”, para goce de grandes e pequen@s.
O feito de poder difundir a actividade por streaming facilitounos chegar a máis público do que podía asistir presencialmente ás Bibliotecas de Carballo, algo que agradecen @s nos@s usuari@s.
Deixámosvos cuns anaquiños da función para que poidades facervos unha idea do ben que o pasamos!
“Os soños na gaiola”, con Borja Insua, estiveron o pasado mes de agosto en Corcubión, dentro do programa de animación á lectura: LER CONTA MOITO. Desta vez, e cumprindo coas normas de seguridade COVID-19, quixemos facer a actividade ao aire libre , aproveitando que facía bo tempo.
Os rapaces pasaron unha mañá moi entretida e a actuaciíon encantou a pequenos e maiores.
O pasado venres 25 de Outubro, na Casa da Cultura de Corcubión, visitounos Teatro Ghazafellos coa súa obra:
“A MÁQUINA DO TEMPO”, dentro do programa de animación á lectura LER CONTA MOITO.
Unha tarde moi entretida cun público moi animado e participativo 
.
Contacontos “Nubinete contra o cambio climático”: o pasado día 30 estivemos na Escola infantil municipal con Anxo Moure “Carballo con botas”, e coa colaboración das mestras, Raquel e Montse, participando no programa de animación á lectura para as bibliotecas: Ler Conta Moito, tamèn durante este ano 2020.#carballoconbotas #lercontamoito #RBGalicia
Séguenos