O luns 8 de outubro, a biblioteca tornouse máxica.  
 


Pasámolo moi ben.  

A compañía TrinkeTrinke viñeron á Biblioteca de Miño con novas historias cargadas de contido. Esta vez, faláronnos dos nosos maiores, a importancia do respecto cara a eles, de non esquecelos, de lembrar sempre a súa sabedoría. Todo isto cargado con tenrura e delicadeza, fixéronnos pasar un intre que non esqueceremos tan fácilmente.
A Biblioteca tivo con gran aforo de persoas nenos e maiores que gozaron coas historias de TrinkeTrinke, ademáis contáronse: “Avós” e ” Á Arbore Xenerosa” dúas historias publicadas por la editorial Kalandraka, dispoñibles na biblioteca.

Os nenos e nenas de Baión disfrutaron o día 10 de outubro do concerto de CAMIÑOS de Magin Blanco, no que o instrumento estrela foi a guitarra.

MAGIN BLANCO NA A.L.M DE BAION

Os rapaces e rapazas de Tremoedo tiveron a sorte de participar no obradoiro creativo da FABULA DO ESPANTALLO na que interactuaron cos Quinquilláns e co espantallo.

O xoves 11 de outubro puidemos desfrutar na ALM dos Tilos-Teo da adaptación de Títeres Cachirulo da obra de Valle-Inclán, “A Cabeza do Dragón”. Pensada para público infantil, pero que tamén poden desfrutar as persoas adultas, foi un espectacular despliegue de títeres creados por Carmen Domech, especialmente salientable a pelexa co dragón. Gran éxito de crítica e público e agardando por novas obras.

A cabeza do dragón na ALM Os Tilos

O pasado mércores tivemos a sorte de gozar na Biblioteca de Portonovo do espectáculo tan “doce” que nos ofreceu Teatro Calavera. Foi unha tarde preciosa, xa que o tempo acompañounos e puidemos ofrecer o espectáculo na praza da biblioteca, e así dar máis cabida aos espectadores. E despois entramos para facer o taller de masa de azucre que encandeou a todos os nen@s asistentes.

A verdade é que o público superou as nosas espectativas, xa que foron 43 nen@s os que cos seus pais, nais e avoas, achegáronse a gozar desta sesión. Iso sen contar as persoas que pasaban pola rúa e achegábanse a ver que ocorría na biblioteca.

Temos que agraceder de corazón o saber facer de “Antón” e “Tomasa” que nos fixeron pasar unha tarde inesquecible. Un pracer tervos na nosa biblioteca, e esperamos volver vervos por aquí 😉

Rematamos coas actividades do programa Ler conta moito 2018 coa visita do Pallaso Piruleta e o seu espectáculo ” A Aventura máxica na biblioteca”

Esta vez disfrutaron os nenos de educación infantil do colexio Padre Feijoo de Allariz.

Gozaron dun espectáculo cheo de fantasía, maxia e cancións que fixeron da ledicia dos mais pequenos.

Pasámolo moi ben!!

O CENSOR DE MONSTROS NA A.L.M. DE CORÓN

O censor de monstro

No día de onte os nenos e nenas da parroquia de Corón disfrutaron do contacontos realizado por Barafunda e puideron descubrir os fantasticos monstros e seres que habitan en Galicia. Unha viaxe a través das nosas terras que non poderán olvidar.

O sábado, 6 de outubro ás 18:00 horas na Sala Agustín Magán, visitounos Pablo Díaz coa maxia das súas letras, acompañado a guitarra por Diego Barral e presentounos o seu espectáculo infantil “Tic, Tac, Toc”, baseado no seu cuarto libro-disco.

Os máis pequenos/as cantaron e bailaron os diferentes ritmos que Pablo lles propuxo, pasaron unha tarde moi entretida.

Cunha música ambiental que invita á relaxación, empeza a actuación de hoxe na nosa biblioteca. Logo de estar un rato esperando a hora do inicio cambio radical de esquema. Rompemos o xeo cunhas rimas, cancións rimadas, repetitivas que fan que ata o público maior participe activamente e sexan eles quen anime aos máis pequenos a cantar con Pablo.

Cando xa temos a todo o mundo animado e con gañas de máis, metémonos de cheo nos contos. Contos teatralizados, con teatriño, con maxia e ilusión.

Caras de ilusión, de querer máis e de saber a pouco.