Este domingo, 22 de outubro, a pirata Aba, da compañía Trémola Teatro, visitou o auditorio de Catoira para contar as aventuras que viviu nas súas longas viaxes a bordo dun barco pirata. Aventuras de pantasmas e monstros que sorprenderon a cativas/os e maiores.
O xoves visitáronnos Pavís Pavós con “Este queixo queixolán…”.
Dirixido ós máis pequenos da casa, gozamos dunha sesión deliciosa con contos e cantos que xa nos cantaban os nosos avós e que mantiveron a atención dos asistentes (pais e nenos) en todo momento.
Coma sempre, un dez para Pavís Pavós!
Espectáculo de teatro musical para público infantil no que se trata o tema do mal uso da tecnoloxía e das redes sociais a través de figuras do imaxinario popular que tamén poñen en valor a importancia da conservación do patrimonio natural galego.
O martes 17 de outubro, Raquel Queizás chegou á Biblioteca de Outes coa “maleta da avoa” chea de pequenos tesouros. Dentro dela brincan trasnos, mouras, nenas espelidas, bonecas feitas con carozos de millo… cos que foi contando aqueles contos que de pequena escoitaba á súa avoa.
Pasámolo xenial tanto @s nen@s como os maiores escoitando os contos, bailando e cantando.
Tarde moi divertida e amena.
Para conmemorar o Día das Bibliotecas, a Biblioteca do Barqueiro quixo achegar un espectáculo de narración oral, dirixido a nenas e nenos.
Da man de Manuel Pombal e do seu espectáculo Frumario o bibliotecario, mergullámonos nas fantásticas e variadas historias que agochan os libros das bibliotecas e do seu persoal, os bibliotecarios, como mediadores de coñecemento
Unha tarde divertida, chea de talento e imaxinación, da que gozaron adultos e rapazada.
Con este espectáculo, pechamos ata o vindeiro anos, o programa patrocinado por Ler conta moito da Rede de Bibliotecas de Galicia.
Os monstros viñeron a Cordeiro para festexar o día da Biblioteca ensináronnos que teñen sentimentos e que son igualiños que os nosos! Historia participativa na que se mestura a tradición coa aceptación da diversidade e na que se reforza a autoestima dos cativos.
O día 6 de outubro a Casa da Cultura de Sarria acolleu a actuación da artista Charo Pita representando “A cabeza a paxaros”, facendo as delicias dos pequenos e pequenas que asistiron e disfrutaron dunha tarde de teatro infantil.
A tarde do 29 de setembro a Casa da Cultura de Sarria recibiu a visita de Cris de Caldas, co seu espetáculo “A bibliotecaria estrafalaria“.
Os pequenos que nos visitaron disfrutaron da historia de Candelaria unha bibliotecaria a que chaman “estrafalaria” por gustarlle o diferente. Por ese motivo os contos que emprestou a Cris son tan divertidos e abraiantes que a todos os nenos que asistiron encantoulles poder coñecelos.
Agardamos que esta divertida tarde tamen poida transmitir a todos os nenos e nenas un anaco do amor polos libros e as bibliotecas co que está feito.
Fantástico espectáculo para pechar o ciclo Ler conta moito 2023 no Concello de Fene. “Procúra-se Pepa a Loba” resultou ser un contacontos cunha fermosa escenografía e posta en escea (co que Cristina Collazo engaiolou á cativada desde o minuto 1´)
En “Procúra-se Pepa a Loba”, “a famosa bandoleira Pepa a Loba percorre os montes galegos sen medo a nada. Ata que alguén lle fala dun cobizado tesouro… Atréveste a procuralo con ela?”. “Procúra-se Pepa a Loba” é unha aventura chea de música, monicreques e intrigantes historias.
Hoxe a mañá puidemos desfrutar con Cristal Mendez e Daniel Alonso cun espectáculo que, mediante a música e a poesía, daba forma a diversas historias cunha forte perspectiva de xénero, unha visión crítica da historia e actualidade mediante a tradición exposta de forma crúa e valente.
Unha interpretación necesaria e moi recomendábel.
Séguenos