O venres 14  tivemos un obradoiro do máis interesante na nosa Biblioteca: “Radiocontada”.

@s nen@s comezaron improvisando sons e historias con materiais e instrumentos reciclados que posteriormente rexistraron en formato de conto.

Foi interesante escoitar aos nenos darlle vida coa súa propia voz ás historias. Desfrutaron moito a parte de que entenderon o funcionamento da creación na radio.

Damián co obradoiro APRENDE A LER EN VOZ ALTA, APRENDE A CONTAR, volveunos sorprender gratamente co seu obradoiro moi práctico e totalmente participativo.

Filipa e Fran estiveron connosco o día 6 de Outubro  coa actividade “FILIPA COS CONTOS” onde através da narración, as cancións, a teatralización, o xogo e o humor, pasaron unha maña moi agradable aproveitando o bo tempo nos xardíns da biblioteca.

O sábado 15 de outubro, contamos coa visita do Grupo Música Miúda e a súa historia de  Bemol Pequeno, un contacontos musical polo que  camiñaron personaxes como a Meiga Xela, o dinosaurio Pepón ou a Banda do Carballo.

Toda unha tarde de ledas cancións e moita música e diversión !!

Grazas a Música Miúda.

O pasado mércores 12 de outubro, o contacontos Caxoto achegou as mensaxes sobre o coidado do medio e a reciclaxe a máis de 30 nenas e nenos que gozaron dunha actividade lúdica e educativa.

A actividade xerou tanto interese que mesmo algunhas persoas adultas tamén se animaron a quedar escoitando.

Este venres, 14 de outubro, visitou a nosa biblioteca carlos Coira (Pinconús Teatro) que viña  acompañado do seu bibliotecario favorito, Don Basilio.

Foi unha sesión moi divertida na que houbo historias , papiroflexia, poesía e moita maxia. Ademais  Don Basilio recomendou libros moi bos para que nenos e nenas levasen para casa.

Unha excelente maneira de celebrar anticipadamente o Día das Bibliotecas.

Este xoves na Biblioteca P. M. Xograr Mendiño, Xoán Curiel contounos como compuxo a súa primeira banda musical. A actuación Conto-concerto para montar a túa banda fixo bailar, cantar e xogar a todos os asistentes.

A tarde do xoves visitaron a nosa biblioteca Ciencia divertida para realizar o obradoiro 20.000 leguas de lectura divertida.

A través dunha viaxe polos libros de Julio Verne, propuxeron diversos experimentos relacionados cos libros que van nomeando: Viaje al centro de la Tierra, De la Tierra a la Luna, 20.000 leguas de viaje submarino…

As nenas e nenos gozaron da experiencia de ver como realizaban os experimentos e incluso axudar nalgún deles.

Juste Kamishibai fascina en Tui co seu espectáculo “Os nortis e os libros sen título”.

Obradoiro de sensibilización ao acoso que se levou a cabo en Trazo e onde reflexionamos cos nenos e nenas sobre os distintos tipos de acoso apoiándonos en libros con temáticas diferentes sobre diversidade e cunha parte práctica na que idearon o fina l da historia do libro Oliver Button é unha nena.