O pasado día 26 de setembro, gozamos dunha sesión moi especial con 2 Mind Combined. A través das súas Historias fabulosas, Elisa e Ian, encheron a biblioteca de maxia, sombras chinesas, contos e moita ilusión. Pequenos e maiores quedamos abraiados coa súa creatividade e simpatía.Grazas por facernos soñar!
Onte, 29 de setembro, tivo lugar, na Biblioteca Mª José Ruso de Dorneda, un espectáculo de maxia, dentro de Ler conta moito, do Mago Rafa chamado “AbracaLibro”, para nenos e nenas a partir de 5 anos, acompañados dos seus pais. O Mago Rafa deleitóunos con varios trucos de maxia, entre eles, trucos con cartas de póker, trucos cunha bolsa de plástico e un ovo ou trucos con números mais unha calculadora facendo operacións imposibles. Pequenos e maiores quedaron abraiados con ganas de ver máis sorpresas e descubrir o maravilloso mundo da maxia. Apto para tódolos públicos.
O Día 26 de setembro visitounos Inma Soto e contounos as andanzas de Xela nas súas viaxes polo monte para coñecer a natureza, querela e respetala. E así comezamos as festas do San Miguel en Monterroso.
Raquel e Nando levaron nunha viaxe aos asistentes á Prehistoria a través do conto "El pequeño cavernícola"·. Demostraron a súa profesionalidade mesturando música e efectos especiais coa historia. Desta maneira tan sinxela interactuaron con nenos e maiores durante o desenvolvemento da actividade. É un canto á liberdade do neno en todos os momentos da historia.
O venres 26 de setembro a sala infantil da Biblioteca Municipal da Estrada acolleu o obradoiro de pop-up da man de Laura Caneira. Durante este obradoiro, os nenos e nenas asistentes descubriron varios contos realizados con esta técnica tan chamativa e logo puxéronse mans á obra, equipados con tixeiras, cartulinas e pegamento, para facer as súas primeiras obras de pop-up.
O sábado 27 de setembro un grupo de nenos e nenas de Oroso deseñaron e confeccionaron fermosas mochilas de tea.
O venres 29 de setembro Barafunda presentounos, na Axencia de Lectura de Domaio, Os Ourizos, o musical, unha obra de teatro musical de monicreques dirixido ao público familiar. Unha actuación que gustou moito e onde a rapazada puido cantar e bailar.
O gran ilustrador Xosé Tomás visitou a Biblioteca Municipal de Padrón.
Este pasado venres 26 de setembro comezamos unha serie de actos que enmarcamos dentro da celebración do mes da biblioteca. Estreámonos coa actividade ” O lapis que non quería ir a escola”, que chegou da man de Andamiaxe e que fixo as delicias tanto de pequenos coma de non tan pequenos.
Da man de Rebeca, coñecemos a distintos materiais escolares (un lapis, unha goma, unha calculadora…) que nos presentan unha historia pensada para resaltar valores tan importantes como a colaboración, o respecto ou a empatía, fomentando así a convivencia.
Un espectáculo moi entretido que serviu para comezar a fin de semana da mellor maneira!
O venres, as nenas e nenos de San Pedro de Nós asistiron a unha sesión de maxia a cargo de Pedro Bugarín que fixo gozar a pequenos e maiores cos seus marabillosos trucos de maxia.
Séguenos