O 7 de setembro ás 20:30 h recibimos na biblioteca a Ian & Elisa e o seu espectáculo “Somos iguais na maxia” que fixo as delicias dos nenos e tamén dos seus pais misturando conto, maxia e sombras chinescas. Estas son as fotos:

O pasado venres 25, o rock and roll invadiu a biblioteca de Santa Marta da man de Paco Cerdeira, “Pakolas” para a cativada.

Pasamos unha tarde estupenda cantando, bailando e escoitando historias de animais como “O Furafollas”, “A quenlla Madrugadora” ou “Mero o baldomero”,incluso viaxamos na máquina do tempo de Ramona Orbita que non debe estar ben calibrada, sempre se pasa de século. Cancións e contos que xeran unha aprendizaxe con moita diversión na que participa toda a familia.

Hoxe veu Pakolas a animar a biblioteca cos seus libros e cancións. Os nenos participaron moi animados escoitando, cantando e bailando. Pakolas combinou cancións cos contos que nelas recóllense.

Edelmiro é un humilde escritor que un día compra unha tinta moi especial que segundo o libreiro convirte o escrito en realidade. Así inicia a historia de Carabranca, unha meniña abandoada pola familia nunha lata de bolachas.  Carabranca apareceu nunha illa onde aprendeu todo o que sabían os nativos, foi atrapada por un barco pirata onde se fixo amiga de todos os piratas menos do capitán. Tamén viviu na cerna dunha fraga onde cultivaba a súa propia horta…en fin mil aventuras ata atopar ao propio Edelmiro que escribia o seu destino.

Iria Pinheiro vai debullando o conto con música, monicreques, sombras chinesas, maquetas e moitas mais manualidades encantadoras que fascinaron aos nenos presentes.

E o sábado, 26 de setembro, na biblioteca de Bergondo descubrimos a ciencia de Harry Potter da man de Ceo Aberto. Unha actividade moi interesante!

O venres 25 de setembro, na biblioteca de Bergondo, coñecimos a verdadeira historia de Hamelín  da man de Moc-Moc. Unha tarde do máis divertida!

O venres 25 de setembro puidemos disfrutar na biblioteca de Nós da compañía do autor e ilustrador Anxo Fariña que nos contou a historia de Dulcinea e foi quen de transformar as nenas e nenos asistentes en serea, unicornio, lobishome … sempre sobre o papel, claro, retratos que despois levaron ás súas casas.

Foi unha sesión moi divertida na que nenas e nenos quedaron con ganas de máis contos e máis debuxos.

Contos para todas as idades e xéneros, contos en igualdade, o 19 de agosto no centro sociocomunitario do Barqueiro, Mañón.

O venres, 25 de setembro, Charo Pita agasallounos  con historias sobre mulleres  aventureiras reais e ficticias, aderezadas con algunha canción.

Os nen@s estiveron engailoados durante toda a sesión.

Para volver a repetir.