Este sábado 20 de outubro, anticipándonos a celebración do Día da Biblioteca estiveron na nosa biblioteca Títeres Cachirulo coa representacion de “A Cabeza do Dragón”. O Príncipe Verdemar e desterrado do seu fogar e, coa axuda dun trasgo  falcatrueiro, terá que loitar contra bandoleiros e mesmo contra o terrible dragón que ten apresada a filla do Rei Micomicón para poder retornar triunfante a casa.

O día 21 de outubro chegou a Vila de Cruces o bibliotecario Renato para contarnos as súas aventuras, entre outras cousas quería atopar un agasallo de aniversario para un amigo especial e para esa misión axudouse do que tiña a man na súa Biblioteca , maxia, música, contos, seres fantásticos ..

Espectáculo participativo e con moi boa acollida.

O venres 19 recibimos na BPM do Grilo-Cacheiras a visita de Biosbardos co seu espectáculo Cómo axudo a Antón?. É un contacontos sobre o bulling, que se desenrola en dúas partes, unha primeira onde contan a historia, e unha segunda cun pequeno debate sobre o tema,onde os nenos califican o comportamento das persoaxes do conto cunhas tarxetas vermellas ou verdes que reparten, e entre todos intentan correxir os feitos que non lles gustan. É un espectáculo moi participativo e que tivo moi boa acollida de pequenos e grandes

No Ler conta Moito deste venres cos Quinquilláns puxémonos o reto de representar unha obra teatral express e moi participativa  e abofé que o logramos grazas a unha animada e numerosa concurrencia infantil e ó amor parental.

https://es-es.facebook.com/rechouchios/videos/475837219573026/

O sábado 20 de outubro tivemos a gran sorte de contar cun divertidísimo espectáculo de maxia na Biblioteca de Catoira. Pedro Bugarín soubo engaiolar ao público con sorprendentes números de ilusionismo, combinados con grandes doses de humor. Ademais, a interacción constante co público fixo que tanto pequenos como maiores puidésemos involucrarnos na actuación.

O venres 19, para anticiparnos á celebración do día das Bibliotecas, tivemos na nosa Biblioteca Xosé Cardeso Liñares, a actuación do mago Pedro Bugarín.  O salón de actos estivo completamente cheo. Espectáculo de maxia maravilloso, por un lado clásico e por outro innovador, con música e referencias á literatura e ao cine, por exemplo Titanic. Tanto nenos como adultos saíron encantados, moitos pequenos con gañas de ser magos de maiores.

O MAGO TETO CONTOULLES AS RAPACES E RAPAZAS DE TORDOIA HISTORIAS SOBRE A MAXIA A TRAVÉS DE XOGOS E OUTRAS ACTIVIDADES BASEADAS EN SEGREDOS FÍSICOS E MATEMÁTICOS  CON APOIO MULTIMEDIA.

O venres 19 de outubro visitou a Biblioteca de Paiosaco A máquina do tempo de Teatro Ghazafelhos

A doutora Mon e o seu axudante achéganos a diferentes idades da historia da humaninade, desde o traslado dun troglodita a nosa época… até poder sentir a Leonardo da Vinci….

Os asistentes tomaron protagonismo durante toda a contada, sendo unha parte fundamental para o bo desenvolvemento da obra.

Contos, cancións, música, instrumentos, campás, animais,…tecido pola voz e a arte de Charo. Letra e música da súa autoría coas que nos fixo disfrutar e que a súa visita soubese a pouco.

Divertido, dinámico, participativo e didáctico espectáculo-charla científica de inspiración Literaria. A través de experimentos espectaculares David Ballesteros foi percorrendo o mundo creado por J. L. Rowling e analizando desde a óptica da Ciencia a viabilidade no mundo real ou non do universo literario de Harry Potter. A rapaces e rapaces entran moi ben e moi rápido no espectáculo xa que David ten unha gran capacidade para atraelos cos seus experimentos e a súa forma de explicalos.