Estupendo contacontos teatral para rematar  as actividades do mes de outubro, o mes da biblioteca. Con Lili Gruyére os nenos e as nenas da biblioteca de Sober coñeceron historias, cantaron e bailaron, en fin unha tarde magnífica.

A Axencia de Lectura de Xinzo, recibiu o pasado 6 de outubro a visita de Pablísimo.

Chegou cun Contiario cargado cos contos. Contounos contos rápidos, contos do revés, contos con moitos finais, fábulas e cantares de cego.

Os contos de cego foron os que máis lle gustou aos nenos que pasaron unha tarde moi divertida.

O xovés 21 con motivo do Mes das Letras Galegas tivemos a sorte de disfrutar na nosa biblioteca dun obradoiro de introducción ó cómic impartido por Xosé Tomás. A este obradoiro acudiron os estudiantes de 2º de ESO do CPI Cabo de area. O obradoiro foi moi interesante xa que axudoulle os estudiantes a coñecer como se constrúe unha historia ilustrada con diferentes tipos viñetas. Os mesmos estudiantes fixeron unha práctica creando e ilustrando un conto.

O mércores pasado puidemos saborear unha sopa de cocido solidaria na Bilbioteca  Pública do Concello de Meis coa actividade COCER E CANTAR de Seisdedos.

Unha sesión moi divertida, dinámica e participativa na que todas e todos os participantes xunto cos máis cativos e cativas estimamos moi divertida e da cal saimos cun gran sorriso.

Cantamos un conto na biblioteca

O pasado día 25 tivemos o pracer de contar con Luis Vallecillo para celebrar o día da biblioteca.

A actividade que levou a cabo resultou moi atractiva para os cativos, xa que á través da música provocou nos nenos, así coma nos pais, diversas emocións e sensacións que lles fixeron pasar una tarde moi agradable.

A tarde do xoves 27  os rapaces e rapazas danzaron e cantaron o son da música coas historias de Xarope Tulú. Unha forma diferente de contar os contos que animou aos asistentes para participar e pasar unha tarde divertida.

O pasado venres 21 de outubro con motivo da celebración do Día das Bibliotecas, cativ@s e maiores desfrutaron dun espectáculo de maxia, mesturado esquisitamente coa dramatazición e a música, da man sempre tan profesional de Leo Leíño.

O pasado martes día 25 de outubro puidemos contamos coa presencia de Marisa Irimia  quen nos fixo pasar un serán divertido cos seus “contos de marmeleiro, anís e limón”.

Un contacontos animado con bonecos que conseguiu que os máis novos e non tan novos risen e participaran na velada.

O xoves 27 pola tarde a biblioteca converteuse nun mini laboratorio infantil, moitos nenos e nenas descubriron que a ciencia está máis presente nas súas vidas do que eles pensaban, mesmo pensaban que os experimentos que estaban a ver eran trucos de maxia. Pasaron unha tarde divertida e diferente que espertou a súa curiosidade.