O 7 de abril, ás 18:30 apareceu un “friame” dentro da nosa biblioteca. Inmediatamente chamamos ó equipo de investigación de “Biotecnólogos na Biblioteca” para que tomaran cartas no asunto e aclararan o caso utilizando modernas técnicas de investigación. Despois de arduas tarefas onde os rapaces tiveron que familiarizarse con novísimas formas de investigación, descubriron ó culpable que, como era de esperar, non andaba moi lonxe.

Unha actividade moi divertida onde os nenos participantes pasárono en grande 🙂

O venres 7 de abril, os nenos de Vimianzo gozaron dun concerto con diferentes tipos de instrumentos e música de países como Brasil, Cuba, Xamaica, Estados Unidos.. grazas as aventuras dunha bolboreta moi musical.

Tódolos nenos cantaron e bailaron de aquí para alá ó son da música nun espectáculo moi participativo

O luns día 10 de abril a compañía Migallas Teatro visitou a Biblioteca Pública municipal de Abegondo, ofrecéndonos o espectáculo tan divertido: Canta connosco! As nenas e nenos alí asistentes e tamén os seus pais  disfrutaron en grande e participaron animando activamente aos grandísimos profesionais que conforman o grupo Migallas Teatro.

Noraboa Migallas, e grazas pola grandísima actuación.

Ata a próxima!!!!

A Casiña de Carton 10/04/2017

O día 10 de abril continuamos divertindonos e participando coa obra ” A Casiña de Cartón” de Animar-T, cantamos, xogamos e vivimos unha aventura na casiña de cartón.

O sábado día 8 de abril, os máis pequenos gozaron da música cun concerto protagonizado polo grupo Pirilampo, na Alameda Rosalía de Castro de Marín. A formación está integrada por dúas voces, flauta travesera, acordeón, guitarra, percusión, batería, baixo e gaita.

Marín

Cris de Caldas chegou o sábado moi ben acompañada ata a Axencia de lectura de San Vicente

A través de A galiña azul, realizou unha explicación amena do seu autor, Carlos Casares, e do que significan as Letras galegas. A galiña azul viña con moitas sorpresas para darnos a coñecer outras obras de Casares e algúns contos de tradición.

Despois da sesión de contos, desenvolveuse un obradoiro no cal participaron grandes e pequenos. Para que a obra de Casares perdure no tempo, máis aló do seu día.

O venres 7 de abril, comezamos na Biblioteca Municipal de Padrón as celebracións do Mes do Libro cunha actividade creativa da man de Pedras. Artesania e Patrimonio

O pasado venres día 7 de abril, apareceron pola Biblioteca Municipal de Ares, o cociñeiro Antón e a pasteleira Tomasa….

Fonron moi divertidos ,  estiveron contando unha historia sobre o chocolate e o xeito de facelo máis saboroso.

Cando remataron o contacontos entre todos fixemos un obradoiro de chocolate e froitas que comimos de merenda.

Día 7 de abril de 2017 ás 17:00, na biblioteca de Escairón

Para celebrar o Día do Libro Infantil (2 de abril) e en vista dos 2 certames de debuxo que temos convocados (Debuxo infantil Letras Galegas 2017, e Certame Mulleres de Lemos en modalidade de Banda Deseñada sobre Balbina López Somoza) deixamos o móbil e puxémonos a debuxar con esta actividade do catálogo Ler conta moito:

Obradoiro de tiras cómicas e viñetas

deixa o móbil e debuxa

da man de Hermanager

o 7 de abril, ás 17:00 na sala infantil

Empezamos cunha práctica con personaxes que xa coñeciamos, para que nos fora un pouco máis fácil perder o medo a comezar a debuxar.

Calculamos as perspectivas e vemos que aínda que non saia “calcado” tamén queda ben. Ningún debuxo é coma outro e podemos facer moitos trazos a lápis para ver cal nos gusta máis e ese será o que repasemos a bolígrafo ou rotulador.

Vemos os diferentes tipos de viñetas, planos e os “bocadillos” que serven para falar, pensar, susurrar, mostrar medo, etc. Un montón de recursos que nos serven para expresar cousas sen necesidade de escribir.