O cociñeiro Antón e a pasteleira Tomasa convidaron a pasar unha tarde moi larpeira a cativ@s e maiores. Primeiro desfrutando da súa escenificación con música e moitas risas e logo ao rematar, fixeron un obradoiro de decoración de magadalenas, onde participaron todos os nen@s.

O pasado mércores, día 19, Raquel Queizás visitounos co seu espectáculo ” Mariña, contos nacidos no mar”. Unha contada moi amena e participativa na que coñecemos, entre outras historias, a lenda de Mariña, a serea da Illa de Sálvora. Así celebramos o Día do Libro na Biblioteca de Darbo.

Contando “O rato e os ventos”

Cantando o hino de Lonxedetodo

Hoxe, venres 21 de abril, para celebrar o Día do Libro e dentro do programa Ler Conta Moito, a B.P.M. El Viejo Pancho de Ribadeo recibiu ás nenas e nenos de primeiro de primaria dos colexios da nosa vila cun espectáculo moi especial, visitounos o rato Fuco de Trinke Trinke Teatro. O Fuco trae nunha caixa os tres ratiños máis novos do país Lonxedetodo. Son moi trastes e desobedentes e tenos que coidar. Tenta calmalos contándolle contos especiais para ratiños, pero non resulta doado.

Contounos catro contos tirados das obras de Arnold Lobel Contos de ratiños e Sopa de rato. Alén diso cantou, bailou e interactuou moito con as pícaras e os pícaros. Unha mañá divertida e diferente na biblioteca.

Onte 20 de abril os nen@s de Salvaterra de Miño, disfrutaron dunha tarde distinta cun animador de Crearte Servizos Culturais co obradoiro: “Arte nos libros: coñecemos o pintor e debuxante Luis Seoane”, primeiro explicoulles quen era Luis Seoane e unha técnica que utilizaba pra debuxar, e logo os rapac@s  fixeron os debuxos que vemos na foto seguindo a súa técnica, pasarono fenomenal.

OS RAPAC@S ESCOITANDO A HISTORIA DE LUIS SEOANE CON IMAXES

DEBUXOS FEITOS POLOS NEN@S NO OBRADOIRO CA TÉCNICA DE LUIS SEOANE

Da man do  mago Javier Muro co seu espectáculo “o neno que quería ser mago” celebramos o día do libro na Biblioteca de Ponteareas.

A través da historia de Lolo foi sorprendedo aos cativos e aos maiores con trucos de maxia como o ovo de madeira que se transformou nun ovo de verdade, coñecemos ao amigo rosmón de Lolo e moitos otros trucos. É decir gozamos dunha tarde de contos e maxia. 

Hoxe, na Casa da Cultura, sesión de Contacontos. Contos con valores como a convivencia e a igualdade. Celebrando por anticipado o día internacional do libro. E o luns máis…

A compañía Eduvia deleitounos coa actividade “Dada ou Duende”. Participaron nenos e nenas de 3º e 4º de primaria

A Biblioteca Pública Municipal de Foz, celebrou este mércores a semana do libro cos nenos e nenas de Foz que acudiron a ver a Elefante Elegante con “Lobo bobo”, ás 18:30 horas. Unha mixtura de contos tradicionais e unha posta en escea chea de risas, música e mímica.

Tivo que ser no salón, desbordados pola afluencia de nenos que o pasaron en grande coa gran profesionalidade de Gonzalo Guerreiro.

Bo e productivo día do libro a todos.

Isa Herrero guiounos neste obradoiro de contos onde os nenos e nenas elaboraron os títeres que precisaron para a reprensentación final dun conto de monstros: monstros grandes e pequeniños, coa boca chea de dentes, altos e baixos, con tres ollos, co pelo largo, monstros que choran e os que máis nos gustaron, monstros felices!!!

En Lonxedetodo, aldea dos Ratos da Biblioteca, hai unha gran artista de proxección internacional: Lilí Gruyére, que hoxe veu a celebrar connosco, a Biblioteca de Vilalba, o Día do Libro.

Actividade na que disfrutamos todos bailando, cantando e escoitando os contos dos Paxariños.

Os nenos/as, da man de Irene e dos voluntarios de Solidaridade Internacional de Galicia, achegáronse a cultura doutros países africanos como Senegal ou á maneira na que viven os refuxiados Saharauís en Alxeria, pobos con costumes, falas, paisaxes e vidas completamente distintas ás nosas.