Sábados de conto na Biblioteca.
Ler Conta Moito!

Como cada sábado entramos na Biblio para ler contos no Recuncho dos libros infantís. E despois….

María Canosa quitounos o medo coa súa poesía. Fomos quitando medos dunha caixa e deixámolos atrás con cada un dos preciosos poemas de María.

https://www.facebook.com/bibliotecariveira/

Vémonos na Biblio!

O pasado venres A illa dos nenos, despediuse de Cambados tras estar con nós durante unha semana visitando as axencias de lectura para conmememorar a celebración do Día Internacional do Libro Infantil… e esta vez foi o turno de Vilariño.

Os asistentes divertíronse como nunca cos seus contos e sobre todo cos enxeñosos trucos de maxia… velaí van algunhas mostras…

Onte xoves día 6 de abril de 2017, no salón de actos da Biblioteca Pública Municipal de Salvaterra de Miño, no programa abril mes do libro que patrocina o Concello  e Ler Conta Moito, os rapac@s máis pequenos e os seus país disfrutaron dunha tarde distinta cunha actividade de debuxo rítmico (ca animadora Mirari) , que consistiu en que a través de cancións e música os nen@s seguiron o ritmo camiñando, correndo, saltando e debuxando no aire os trazos que escoitaron na canción e logo plasmarono no papel. E o final beillaron coas súas nais un vals e outros bailes. Foi moi divertido, xa están esperando para outra.

Plasmando a canción no papel

Bailando un vals coas nais

A Biblioteca Municipal do Milladoiro recibiu a Galetreatro o mércores 5 de abril a 18.00h coa súa obra “Comechíns, segundo prato”.
Con esta sesión de contacontos quixemos comezar os festexos deste mes no que os protagonistas son os libros… “Abril mes dos libros”!
Na sesión degustáronse sete historias que abriron a fame de contos a todos os nenos e adultos que asistiron.

 

O Carballo con botas chegou a Xermade cargado de monicreques na súa titiricleta. Contounos contos solidarios e a través deles os asistentes poideron viaxar por mundos fantásticos e tamén por lugares onde non hai paz, e onde viven persoas de xeito moi distinto ó noso. Anxo Moure ofreceunos a súa sabedoría e ensinounos a maneira de perseguila paz e de non deixala escapar das nosas vilas.

Onte en San Sadurniño disfrutamos dun obradoiro de sombras chinescas “As nosas historias” cos nenos e nenas de primeiro de primaria do CPI.

Neste obradoiro buscamos fomentar a creatividade dos nenos, a escoita, e darlles a coñecer ás novas xeracións a narración oral galega máos antiga

O xoves día 6 de abril celebramos en Fene o Día do Libro Infantil e Xuvenil coa visita de Elefante Elegante e o seu espectáculo “O xigante”. Era a primeira vez que viñan e había moita expectación! De feito encheouse a biblioteca (máis de 100 asistentes) a pesar de facer un día estupendo fora.

A compañía Elefante Elegante presentou “O Xigante”, unha obra inspirada nun conto de Oscar Wilde que narra unha historia na que conviven o cómico e o poético, a forza da palabra e a elocuencia do xesto, a plasticidade da manipulación dos obxectos e a evolución do dispositivo estenográfico.

Foron 45 minutos de risas e sorpresas e temos claro que repetiremos pronto porque encantounos a tod@s!!

Trécola Teatro chogou onte á Biblioteca Municipal de Lugo para representar Madame Bechamel e Signorina Bolognesa. Dúas cociñeiras, moi divertidas que nos explicaron como se cociña un prato moi especial: un bico.

E fixérono con tanto cariño que seguro que está moi, moi, bo.

Onte A illa dos nenos recalou en Castrelo para seguir o seu periplo de celebración do Día Internacional do Libro Infantil. E puidemos gozar dunha divertida sesión de contacontos chea de maxia… velaí van algunhas imaxes!