Un ano máis na Biblioteca Municipal de Celanova celebramos o Día do Libro con grande ilusión. Para esta ocasión, tivemos unha entretida sesión de contacontos a cargo de Eduvía, e que tiña o título de Dada o duende. Por suposto, os nosos usuarios máis cativos responderon con grande entusiasmo, e pasaron un rato divertido.

Na Biblioteca Central de Cangas festexamos o Día do Libro con “Mans”, divertida animación de Pablísimo que encantou ao público.

A “exploradora” Raquel Queizás compartiu con nós as súas experiencias nas expedicións que fixo polo mundo. Os nenos e nenas e mailos seus familiares foron participes deste divertido espectáculo de narración oral.

Marisa Irimia na Biblioteca de Betanzos

O sábado 16 de abril na Biblioteca Pública Municipal de Sarria desfrutamos da actividade ” a ciencia é divertida” na que pequenos e maiores escoitamos contos e despois realizamos experimentos cientifícos, que divertido!

O día 21 de abril tivemos na Axencia de Lectura de Meaño o espectáculo “Bibliocanta” para recordar recitados e cancións galegas de antano que moitas veces se están a perder. Actividade dinámica e participativa

O animador Esteban contoulles un conto dos irmáns Grimm: ” o pescador e a súa muller”, despois fixeron uns puzzles de algúns cadros de Miró, entón os nenos/as tiveron que facer nun folio un debuxo do conto pero tiña que ser subrealista como é a obra de Miró, despois as súas ideas do papel pasaronnas a un tablón grande. Participaron 17 nenos/as e pasaronno moi ben. Se queredes velo cuadro podedes pasar pola biblioteca, que está exposto e quedoulles precioso. Unha tarde moi divertida.

O día 21 de abril, tivemos na nosa semana do libro o obradoiro “O meu pesadelo favorito. Mascarada de soño”. Foi María Lires a encargada de desenvolver dito obradoiro.

Este xoves, 21 de abril, pasamos unha tarde moi divertida adicados a recitar poemas, responder preguntas de Trivial sobre contos e autores, recitar poemas dramatizándoos con diferentes emocións e sentimentos, etc.

O xoves 21 de abril celebramos por adiantado o Día do Libro na Biblioteca Municipal de Fene co gran Pablísimo.

Pablísimo presentounos o seu “Contiario”, unha recopilación de historias: contos de nunca rematar, xogos de palabras, cantares de cego e cancións por só citar algúns. Cantos contos aprendimos!!

Achegounos ao mundo dos libros, bibliotecas e de todo tipo de historias cun divertido e imaxinativo espectáculo no que os asistentes participaron moi activamente. Unha maravillosa maneira de celebrar o Día do Libro!

Nenos/as e adultos desfrutaron moitísimo e pasou o tempo voando! Estamos desexando que volva!