O Luns 24 de agosto as 19.00h recibimos a visita de Raquel Queizás na Biblioteca Pública Municipal de Ponte Caldelas facendo desfrutar aos asistentes que lembrarán esas lendas e historias que escoitaron arredor do mundo.
Os nenos de Cordeiro, Valga, con Minia Regos e durante catro sesións, realizaron un obradoiro onde afondaron nas súas capacidades creativas, dende diferentes actividades relacionadas coa creación da imaxe en movemento a partir da imaxe fixa (coa técnica Stop Motion). Conectamos aos nenos co mundo do cinema, da fotografía, a literatura e as artes plásticas.
A actividade comenzou ca busca, na biblioteca, de libros de contos nos que basear as películas, que foron realizadas con debuxos e plastilina.
Este mes na Biblioteca Municipal Infantil e Xuvenil da Coruña indagamos sobre isto co conto de Selma, de Jutta Bauer, ao que lle demos vida en stop-motion nun obradoiro de LerContaMoito grazas a Illa Bufarda e ás súas integrantes, Sabela e Adriana.
Os rapaces e rapazas que asistiron puideron crear os personaxes un a un, as súas voces, e tódolos escenarios do conto para mostrar que é a felicidade para Selma, que podedes ver na montaxe final.
E para vós, que é a felicidade?
Os nenos de Valga, da man de Xulio Varela, se internaron en Internet e a través dunhas pistas e dun mapa que Xulio lles deu conseguiron encontrar o tesouro.
Divertido xogo de pistas que promove a aprendizaxe a través de internet dunha forma lúdica e segura.
A Biblioteca Municipal Forum Metropolitano acolleu un taller de iniciación ao Manga este xoves 20 de Agosto ás 11:30 h. Esta actividade forma parte do programa de dinamización lectora da Rede de Bibliotecas de Galicia, Ler conta moito. Estaba dirixida a mozos/as a partir dos 9 anos e impartiuno o estudo especializado en manga “Cerditos de Guinea”.
Traballamos nos pasos básicos e conceptos principais do manga e nas técnicas e materiais usados polos profesionais xaponeses.
O pasado 12 de agosto, na Biblioteca Municipal do Concello do Riós, tivemos o pracer de coñecer a unha ratiña moi especial, Lilí Gruyère. O contacontos teatral “Aventuras na cociña” de Trinketrinke Teatro entusiasmou a todos os asistentes. Mediante cancións e contos, amosounos a importancia de comer axeitadamente e destacou o valor das persoas máis maiores.
Os nenos de Valga con Minia Regos e durante catro sesións, realizaron un obradoiro onde afondaron nas súas capacidades creativas dende diferentes actividades relacionadas coa creación da imaxe en movemento a partir da imaxe fixa (coa técnica Stop Motion). Conectamos aos nenos co mundo do cinema, da fotografía, a literatura e as artes plásticas. A actividade comenzou ca busca, na biblioteca, de libros de contos nos que basear as películas, que foron realizadas con debuxos e plastilina.
O domingo día 9, ás 18:00 horas, a contadora de contos, Raquel Queizás, veu co seu espectáculo “A maleta da avoa” ás Piscinas Municipais da Granxa de Verín.
Esta actividade enmárcase dentro do programa de Fomento da Lectura do Concello de Verín e o programa Ler Conta Moito da Secretaría Xeral de Cultura da Consellería de Cultura, educación e Ordenación Universitaria.
Máis fotos na nosa conta de Flikr ou no noso Facebook.
https://www.flickr.com/photos/130891676@N04/
https://www.facebook.com/pages/Biblioteca-P%C3%BAblica-Municipal-de-Ver%C3%ADn/104133986331021
O pasado día 6 de agosto, na Biblioteca Municipal do Concello de Riós, recibimos con entusiasmo a Carmen Domech e a súa fascinante maleta ateigada de libros. Houbo intres de sorpresa, sorrisos e intriga. Os cativos que participaron neste contacontos, a través da imaxinación, conseguiron achegarse aos libros dun xeito completamente diferente. Foi toda unha sorte poder gozar desta experiencia.
Séguenos