Con motivo do 23 de abril, día do libro 2015, e enmarcado dentro da actividade “Ler conta moito”, tivo lugar a actividade de Regueifa-Brindo na nosa biblioteca.

Os regueifeiros Josiño da Teixeira e Bieito Lobariñas, da Asociación Oral de Galicia, levaron a cabo un obradoiro de improvisación en verso que espertou gran interés por parte do público asistente, pola súa facilidade de palabra e as súas enxeñosas estrofas. O espectáculo ten unha forte compoñente musical que animou ós asistentes a participar.

Os/as nosos/as usuarios/as saíron esa tarde xa sabendo regueifar!

Queremos dar as grazas a Josiño e a Bieito por amenizarnos a tarde e facernos descubrir outras posibilidades que ofrece a poesía, sempre cun toque de humor.

Esperamos velos de novo noutra ocasión.

Continuamos co programa ABRILUSTRADO e cos obradoiros de Xosé Tomás, esta vez noutra das bibliotecas de Cambre, a Xabier P. Docampo. Aquí con alumnado de 3º da ESO do IES Afonso X.

Cun percorrido pola historia da banda deseñada, imos reparando na súa linguaxe: o importantes que son os silencios e todo o que nos poden dicir, as liñas cinéticas, onomatopeias, as diferentes formas de viñetas, a elipse, os globos ou bocadillos…

Intercalando teoría e práctica, imos coñecendo tamén os diferentes planos e o por que de cada un deles.

Actividade moi interesante e moi ben valorada polo participantes.

Continuando coas actividades especiais do Mes dos Libros, e dentro do noso programa ABRILUSTRADO, o venres 24 de abril contamos con Xosé Tomás que nos veu falar e facer banda deseñada. Nesta ocasión asistiu o alumnado de 3º C do IES David Buján de Cambre.

Xosé Tomás introdúcenos no mundo da banda deseñada, comezando pola palabra que o define, buscando o seu significado e as distintas acepcións nas diferentes línguas. Fai un percorrido histórico dando a coñecer á vez a súa propia linguaxe: liñas cinéticas, a importancia dos silencios, as viñetas e as súas variadas formas, os globos ou bocadillos, a elipse, os planos…

Unha actividade moi ben valorada polos asistentes e Xosé Tomás excelente, coma sempre.

Seguindo coas actividades do Mes do Libro, dentro do programa ABRILUSTRADO das Bibliotecas Municipais de Cambre, o propio 23 de abril contamos na Biblioteca Central con David Prieto (GoChi) que nos trasladou a Xapón, para introducirnos nas ensinanzas do MANGA. A tavés de vídeos foinos mostrando todo o proceso de creación: materiais utilizados, tanto os distintos tipos de plumas para os traballos en blanco e negro, como toda a variedade de rotuladores coas súas amplas gamas cromáticas; as distintas tramas empregadas sobre os debuxos e o seu proceso de raspado, os distintos tipos de profesionais que interveñen nun determinado traballo, as publicacións, etc.
Dirixido ao alumnado de 3ª B da ESO, do IES David Buján. Resultou un obradoiro moi entretido.

As celebracións do día do libro transcorrían na BPM de Baiona. Ás 18. 00 h vinte e catro nenos puxéronse en marcha da man de Luís para facer un animalario propio inspirado na gran gran obra do doutor Revillod o gran científico descubridor. Durante hora e media percorremos os límites do mundo real e a ficción.

O  pasado día 23 de abril celebramos o día do libro coa actuación de “O misterio do pirata Benito Soto” de polo correo do vento.

Historia de misterios, homenaxe a Conan Doyle e o patrimonio galego. Mesturaro a oralidade coa ilusttración, e ramtaron cun  obradoiro de debuxo de temática pirata.

Un ano máis para festexar o Día do Libro volveron a visitarnos os nosos amigos Fuco e Lilí Gruyere, ratos de Lonxedetodo, de Trinke trinke teatro. Cancións e contos divertiron aos nenos e nenas e  ensináronlles o importante que é aprender a resolver conflitos. Dous contos: Negros e brancos de David McKee e Historia dunha bala de Joles Sennell, e as cancións dos ratos de Lonxedetodo e La muralla sobre un poema de Nicolás Guillén.

Dentro das actividades programadas para conmemorar o Día do Libro 2015, a biblioteca pública municipal de Brión organizou un serán conta contos a cargo de Raquel Queizás, que presentou o espectáculo “A maleta da avoa”. Unha divertida sesión con historias dirixidas a nenos e nenas maiores de 3 anos de idade, con obxectos e monicreques.

Esta actividade foi patrocinada polo programa “Ler conta moito” da Rede de Bibliotecas de Galicia e celebrouse na sala infantil da biblioteca municipal cunha asistencia duns 26 persoas, entre nenos e adultos.

Achegámonos con Gochi ao mundo do Manga. Mozos e mozas de 3º da ESO, do IES Afonso X de Cambre adentráronse nos estudios dos grandes debuxantes de manga xaponeses. A través da proxección de vídeos fomos coñecendo as técnicas e a estética manga, a súa maneira de traballar, as principais edicións, os formatos… Un mundo apaixonante, por descubrir para moitos.

Ao remate Gochi agasallou a cada participante con tres publicacións da que fora a súa editorial Cerditos de Guinea. Agradecemos a súa xenerosidade.

Estes obradoiros están enmarcados nas Bibliotecas Municipais de Cambre, dentro do programa anual de ABRILUSTRADO
Ler máis →

Na Biblioteca de Salceda de Caselas celebramos o Día do Libro ó grande.Para elo contamos coa presencia de Fátima Fernández que fixo pasar un rato moi divertida coas súas hitorias a nenos,nenas, papás e mamás.