Utilizando como pretexto o mundo das palabras e dos libros, Carlos Coira, un mago dos de antes con chisteira e variña, mostrounos un pouco da súa obra Abrapalabra, que nos permite gozar da maxia das palabras. Con elas podemos xogar e xa vimos que o resultado é do máis divertido; e de paso aprendemos algúns truquiños de maxia que espertaron a curiosidade dos máis cativos e dos non tan cativos.

Foi unha actividade moi dinámica, onde os máis cativos estiveron implicados e participando dende o primeiro momento. Algúns dos trucos crearon verdadeiro interese e admiración, todo isto acompañado de música, libros e, como non podía ser menos, moita maxia¡¡

Tres foron as obras escollidas para acercarnos a figura de Shakespeare, unha traxedia como Hamlet e dúas obras de enredo como Noite de Reis e a Tempestade.
Contóusenos o argumento e analizamos os personaxes presentes nas tres obras e vimos as similitudes e o gusto do autor polas situacións máis enrevesadas.

Con motivo da celebración da Semana do libro na Axencia de Lectura de Coiro, o pasado día 21 de abril , tivemos a visita de Polo Correo do Vento, e tivemos a sorte de que nos contasen ” A volta ao mundo en oito máquinas” da man de Carlos Taboada e de Enrique Mauricio. Os nen@s e pais desfrutaron moitísimo e ademáis puideron aprender a debuxar nun pequeno obradoiro de debuxo ao finalizar o contacontos.

o pasado día 15 de abril tivemos a actuación de Pabilisimo na axencia de lectura de Esteiro. Os nenos e os país disfrutaron con contos, adiviñas e cancións de Ras.

Biblioteca Municipal do Concello de Boimorto

21/04/2015

O pasado martes 21 de abril, Xanela Ocio visitou a axencia de lectura de Vilariño, grazas ao programa Ler Conta Moito.  Cos seus Contos ao revés os 30  rapaces e familiares que asistiron puideron gozar das historias de sempre un pouco enrevesadas… sen dúbida pasamos todos unha celebración do Día do Libro fantástica!

O pasado sábado 18 de abril, Carmen Domech achegouse á nosa biblioteca co seu contacontos de libros contentos para alegrar a nosa Choiva de Contos.

Coa súa maleta chea de libros, cada un deles foi contándonos a súa historia, todas elas moi divertidas.

Máis información sobre este evento neste enlace.

Os máis pequerrechos tamén teñen cabida na nosa biblioteca, así que Charo Pita veu a contar historias, a cantar cancións arrolantes e a xogar co corpo.

Charo tamén sabe como facer distintas voces e ten un aparello que fai distintos sons. Tanto os nenos coma os pais participaron nas cancións facendo ruídos, asubíos, rimando….

Máis información sobre este evento témola neste enlace.

Paco Nogueiras visitou a nosa biblioteca co seu espectáculo “BRINCA VAI! de aquí a acolá” e moita xente visitounos para gozar del.

Mesmo houbo pais e nais que quedaron fora para que todos os pequenos poideran entrar a cantar o Brinca vai!

Un exitazo¡¡ A verdade é que é fantástico, moito ritmo, distintos instrumentos, moi divertido, os nenos (todos bastante pequenos) pasárono bomba. Acabaron todos, nenos e pais, levantados, bailando e cantando.

Nesta ocasión visitáronnos dúas amigas moi especiais: unhas galiñas de Mos moi curriñas, e cunhas co-co-co-convidadas como elas, entre os contiños da tarde non podía faltar o do Poliño da abeleira, do grande Antonio Rubio. Visitamos tamén a casa das galiñas, unha granxa na que chove pero escampa, e na que viven con moitos outros animais que tamén fomos coñecendo. O máis famoso de todos, o Polo Pepe, de Nick Denchifield, na versíón musicada de Mamá Cabra.

Como sempre, todas as fotos na galería de imaxes da biblioteca:  https://picasaweb.google.com/107424236246286297710/EntreArrolosEContinosAbril2015

Entre arrolos e contiños
Próxima sesión: venres 15 de maio | 18h
*Inscrición a partir do sábado 2 de maio ás 10.30h