Leo, o león máis aventureiro de toda a selva, volveu hoxe a Carnota para festexar o seu aniversario. Houbo música, xogos, burbullas e unha chea de amigos e amigas para acompañar a Leo neste día tan especial.
A festa de Leo foi todo un éxito!
“A festa de Leo” é unha das montaxes que integran a serie “Aprende con Leo”, unha colección de espectáculos sensoriais para a primeira infancia de Trémola Teatro.
O pasado 17 de Outubro contamo ca actuación de Xarope Tulú co espectáculo “COROCHAS”, os pequechos da escola infantil pasarono en grande.
Unha actividade entretida, e moi divertida.
Día 21 de outubro de 2025 ás 11:00, biblioteca de Escairón
Celebramos a Semana das Bibliotecas coa actividade do programa Ler conta moito…
Contacontos sensorial
da man de Eduvía (Vías para a Educación)
o 24 de outubro, ás 11:00 na biblioteca
Coma en anteriores edicións, convidamos a pais, nais, avós, avoas, profesoras e bebés a visitar a sala infantil da biblioteca para coñecer a sala infantil, nomeadamente a sección Bebeteca. Ademais, Patricia a través da actividade Contacontos sensorial achegounos ás sensacións que sons, colores, olores e tacto provocan en nós e en contacto cos nosos bebés.
Ademais de xogar coa nosa voz, aproveitamos para, xuntos, ver e tocar diferentes obxectos, para SENTILOS.
Podemos xogar coa nosa voz modulándoa para contar un conto.
Rematamos co sentido do olfacto, co que rimos un pouco bastante.
Cantamos, bailamos, rimos, pero sobre todo sentimos.
Rematada a sesión sensorial, xogamos cos libros da biblioteca para coñecelos e recoñecer que hai que podemos levar para a casa ademais da idea de xogar cos nosos sentidos e cos dos bebés, sabendo que na casa (coñecendo as súas preferencias, alerxias e intolerancias) ademais de coa vista, o ouvido, o tacto e o olfacto, podemos xogar co sentido do gusto, ofrecéndolles sabores novos e con diferentes. Os materiais para bebés que temos na biblioteca poden consultarse no catálogo da Rede de Bibliotecas de Galicia [consulta aquí os libros da Bebeteca].
Nesta tarde pasamos un rato moi entretido aprendendo. Por medio da narración dun conto foise explicando as cativadas e o público adulto, os sentidos do noso corpo, usando diferentes ferramentas como saquiños, papeis con esencias e as nosas propias mans, fumos aprendendo as sensacións das diferentes texturas, cheiros, gustos…Todo amenizado por un conto que seguindo o fío amosounos un feixe de coñecementos moi interesantes!
Este martes 14, a Biblioteca Municipal Os Templarios (O temple – Cambre) acolleu, ‘No monte’, un interesante obradoiro sensorial que conecta a aprendizaxe coa experiencia directa, poñendo en valor a nosa relación co medio natural.
Moito desfrutamos o pasado venres en Carnota con Pablo Díaz e o seu “Cantacontos para bebés”, un espectáculo que combina música en directo e narración oral e que aborda temas e rutinas especialmente adecuadas para a primeira infancia.
Cantamos cos libros da colección “Do berce á Lúa”, bailamos ao son da guitarra e gozamos a mais non poder coas historias do gato lambón e do ratiño Paco.
Pasámolo de marabilla!
Onte 10 de outubro visitounos na biblioteca Charo Pita e o seu contacontos “Da cabeza aos pés”, unha actividade duns 30 minutos e que deixa con ganas de máis. Os nenos e nenas dérono todo, estiveron moi atentos e Charo soubo engaiolalos moi ben, nótase nela a súa experiencia e bo facer.
Esta tarde o público máis miúdo de Chapela gozou da emoción da música, a cor, os sons e os contos, con “Contos pequeniños”, unha fantástica sesión de contos para bebés ofrecido por Bea Campos.
Nesta tarde, a maxia deixouse sentir, e os contiños e as historias chegaron con acompañamento musical e con moita ledicia.
O martes, 7 de outubro, desfrutamos con “1 mar de cores” dunha sesión de contacontos e obradoiro sensorial que encantou ás familias de Oleiros.
Un agradable estímulo para os sentidos que puxo en valor en todo momento a nosa relación co medio natural.
O venres 3 de outubro recibimos a visita de Ana Carreira na BPM de Noia que fixo disfrutar aos nenos e nenas de 0 a 3 anos co conto “O verme comellón”. Eles e elas, xunto cos seus pais e nais, estiveron moi participativos, batendo palmas, cantando as cancións, axudando a búsqueda de obxectos que o verme quería comer e desfrutando da transformación do verme en bolboreta.
Séguenos