A contadora  Raquel Queizás fixo pasar un boa tarde a un  bo número de nenos  que participaron das historias que traía gardadas na sua maleta ; algúns dos pais tamén o pasaron moi ben.

O pasado xoves 26 de setembro,  Yolanda Castaño estivo na Biblioteca Central “Henrique Rabuñal” de Arteixo cos seus contos en versos para nenos e nenas. En case unha hora, os 67 rapaces que asistiron,  desfrutaron e participaron con ela das historias con rima. Xunto cos rapaces tamén asistiron algúns pais e nais que non quixeron perder a ocasión de desfrutar coma nenos.

O mércores, 25 de setembro visitou a nosa biblioteca de Sta Cruz un personaxe moi divertido, que chegou no seu “foguete” viaxeiro o que máis lles chamou a atención aos nenos e nenas que estaban esperando por unha chea de contos, foi o aspecto un tanto luxado da cara do noso personaxe, asi que o primeiro foi adiviñar a que se dedicaba este “Fogueteiro” : mineiro, limpador de chemineas..? pois non, polo seu sombreiro e a súa maleta adiviñamos que era un gran aventureiro, explorador de historias que nos traía baixo o seu paraugas, desde países moi remotos porque a súa misión era levarnos a un mundo onde a imaxinación e a fantasía nos fagan soñar e divertirnos. O aspecto da súa cara era só producto dos gases ocasionados polo foguete na aterraxe.

Viaxamos a Italia, á Toscana cun conto popular arxentino adaptado polo propio Fogueteiro e vivimos as aventuras do Neno mosquito.

Aistiron 38 nenos e nenas e 23 pais e nais.

Resultou ser unha actividade bastante interesante.

O martes 24 de setembro ás 18:30 na Biblioteca de Montrove  houbo  “Contos para todos” a cargo de Manuel Solla  (Expresión Produccións) , que tivo una gran acollida por parte de todo o público asistente, sobre todo do público infantil que participou moi activamente na sesión e quedou engallolado coas historias narradas por Manuel Solla que alternou con pequenos trucos de maxia.

Foron 50 minutos de entretemento e ledicia  para todos os nenos e nenas presentes.

O pasado venres gozamos na Biblioteca de Chapela dunha contada moi especial. Raquel Queizás, contadora de gran traxectoria e amiga nosa nas redes sociais se achegou ata as nosas bibliotecas para achegarnos historias vidas dende moitos lugares do mundo.
Da súa “maletra” chea de letras, Raquel Queizás extraeu historias cheas de maxia. Contos fermosísimos como: “A princesa ratiña”, “O Papón” e mais “Que bicho tan raro” fixéronnos pasar unha excelente tarde a todos os presentes, tanto a os cativos como aos adultos.
Ao final, os asistentes levaron prestados para a casa os libros onde se recollen as historias narradas no noso contacontos.

Ver máis no Blog das Bibliotecas Municipais de Redondela: http://bibliotecasredondela.blogspot.com.es/2013/09/diversion-e-boas-historias-con-raquel.html

 O 14 de setembro a Escola Lucense presentou os contos dos avós nunha sesión moi entretida e emocionante.

Podes consultar o enlace ao evento no Facebook da Biblioteca

O domingo, día 15 de setembro, en Valga celebramos o inicio do curso con Raquel García Rodríguez que, dando mostras dunha gran profesionalidade, fíxonos viaxar polo mundo adiante coñecendo  diferentes culturas e costumes, incluíndo lendas e historias antigas que nos axudaron a redescubrir a nosa propia historia e cultura galega.

O pasado sábado Sole Felloza realizou unha estupenda actuación para os veciños e veciñas de Pazos de Borbén.

Sole Felloza con Pili Amoedo ao final da actuación.

O Auditorio do Concello foi o lugar escollido para presentar o espectáculo “Sole Felloza conta todo o que le”. Un espectáculo moi dinámico, divertido e que fixo pasar un rato estupendo a todos os asistentes.

Seguiremos coas actividades de animación á lectura os días 30 de setembro e o 2 de outubro.

¡Esperámosvos!

O 7 de setembro todos os nenos e nenas que se achegaron a nosa “choiva de contos” disfrutaron dun gran espectáculo de títeres, contacontos, maxia…