O pasado venres, día 30 de agosto, tivemos unha visita máxica na biblioteca. Os cativos pasárono moi ben cos trucos e contos do Mago Paco e, algúns personaxes, como o Capitán Calabrote e unha serpe moi particular que aparecía e desaparecía sempre que lle daba a gana. Quedaron abraiados  co truco das madalenas e, tamén, porque despois o mago vendeu cada unha a 5 euros. Isto é un  escándalo!!!

En resumo, o Mago Paco sabe conquistar aos máis pequenos e aprecianse as súas táboas no escenario.

Nesta ocasión, tivemos na biblioteca municipal un espectáculo infantil único e diferenciador, xa que se trataba dunha posta en escea innovadora mediante a utilización de elementos representativos da cultura xaponesa, como son o uso dos tradicionais teatros kamishibai e o emakimono xaponeses e incluso bervas tradicionais da cultura como o mukashi-mukashi (Era unha vez…). Para a utilización destes elementos, o ilustrador e actor que nos veu visitar adaptou obras de autores de Cataluña e Estados Unidos, como a Hada Menta ( adaptada a fadamenta) para poder exemplificar mediante debuxos e ilustracións contos sobre a igualdade, a importancia do pensamento crítico, de non ser influenciado pola presión grupal nas escolas así como da importancia do respeito, o control emocional e o traballo en equipa. Os nenos aprenderon a identificar os comportamentos con sesgo de xénero, comportamentos abusivos, e a ter ferramentas para enfrontalos no día a día. Nesta actividade participaron un total de 20 nenos de entre 3 e 11 anos de idade e tres adultos. 

Contos arredor da Terra en Parada de Sil

Os nenos/as e as súas familias disfrutaron dunha actividade na Festa de Fin de Curso do Punto de Atención á Infancia. A través das aventuras de Dori os bebes experimentaron cos sentidos, coa música e os efectos luminosos nunha sesión moi divertida de contacontos.

Con “Tralará, Contos, Obxectos e Música”, Marta Ortiz conxurou a atención divertida dos máis pequenos e das súas acompañantes, nunha actuación ao aire libre dunha espléndida mañá de agosto, na entrada da biblioteca.

O martes, 23 de xullo, os/as cativos/as de Fontiñas pasaron un rato moi entretido grazas a Caxoto, que celebrando os seus 20 anos percorrendo Galicia enteira coas súas actuacións, volveu a engaiolar aos presentes cos seus contos e  cancións, recuperando algúns dos versos máis populares de Rosalía de Castro, Álvaro Cunqueiro, Alfonso Daniel Castelao… e solicitando a participación da cativada co retrouso. Foi unha mañá moi animada!

Moitas grazas e moitos parabéns!!

Dentro do programa Ler conta Moito, o venres achegouse a Pereiro a compañía A Run Run. Cecilia queríalle dar vida a súa boneca e para conseguilo tiña que durmir e cumprir unha serie de misións que lle mandaban diferentes personaxes.

O luns 15 de xullo, no exterior da biblioteca acolleu unha sesión de contacontos protagonizada por Uxía, quen atopou un barco pirata no seu garabato. Xuntos, os participantes navegaron cara á illa Salgada en busca do tesouro de Pitimini. A imaxinación e a participación activa dos asistentes fixeron desta aventura un evento cheo de enredos e risas.

Foi unha xornada máxica que fomentou a creatividade e a lectura entre os máis pequenos.

Os nenos e nenas do Concello de Carballedo que participan no Campamento de Verán aprenderon moitas cousas das mulleres escritoras que Sabela Losada lles presentou nesta divertida e a vez educativa actividade.

Ler máis →