O día 17 de maio con motivo da celebración das nosas letras,invitamos a Caxoto para realizar un repaso a través da música e dos contos por diferentes homenaxeados   no día das Letras Galegas ao longo dos anos, e por suposto mención especial para Luisa Villalta. Resultou ser unha xornada agradable e divertida na que grandes e pequenos poideron interactuar

O sábado pola tarde, celebramos en Poio ás Letras Galegas cun espectáculo de Expresión Produccións.

Houbo xogos, contos, moitas risas,maxia…

Grazas Manuel.

O pasado 15 de maio visitounos, na Biblioteca José Saramago do Centro Sociocultural Aurelio Aguirre, a Ciclobiblioteca. As cativas e cativos pasaron unha tarde divertida entre poesías, cancións e ritmos que os acompañaron a través dos contos que eles mesmos axudaron a compoñer.

Ademais, tiveron a oportunide de viaxar na Ciclobiblioteca mentres desfrutaban dos libros que lles trouxo. Con ritmos de frauta e pandeireta, as nenas e os nenos do barrio de Conxo desfrutaron dunha actividade na que botaron a voar a imaxinación, cantaron e bailaron para ser protagonistas e darlle vida ás historias que os acompañaron durante a actividade.

Os nenos e nenas de Cerdedo-Cotobade desfrutaron dos contacontos de animales da man de A.C. Os Carballiños na Biblioteca Pública de Cerdedo. Risas, emoción e moita diversión

Unha sesión de contos para conmemorar a Semana das Letras Galegas na Biblioteca Municipal de Lourenzá ” Juana de Ibarbourou”, onde @s asistentes desfrutaron e participaron activamente.

Contacontos sobre as distintas variantes que pode ter unha historia

e que rematou cun obradoiro moi entretido  .

O pasado venres, día 10 de maio, a artista Cris de Caldas visitou a Biblioteca Municipal da Estrada co seu espectáculo A bibliotecaria estrafalaria, no cal nos relata cun ritmo trepidante e divertidísimo unha selección de contos do máis rocambolescos e estrafalarios.

Este luns, 13 de maio, levouse a cabo a actuación de Polo correo do vento en Santiso, para homenaxear a Luísa Villalta coa obra “Tinta do mar. Pequena biografía de Luísa Villalta” Foi unha mañá moi entretida e interesante gracias a estes grandes artistas. Pasamolo xenial.

Na biblioteca de Foz, pola celebración do día do Libro, pasamos unha tarde moi animada coas historias de Carmen Domech e os seus monstros protagonistas de tres contos.