Dani Blanco veu á Biblioteca José Saramago do CSC de Santa Marta, en Santiago de Compostela, a presentarnos a narración oral Murmuraban as miñas veciñas.

Un conto nunca se conta igual dúas veces. O contexto e a memoria vainos alimentando.

A través desta narración puidemos achegarnos a como foron as vidas dalgunhas mulleres de Cangas do Morrazo.

Unha actividade que gozamos moito e que non podemos deixar de recomendar.

O venres 24 de maio os nen@s de Vila de Cruces pasaron un anaco divertido e o mesmo tempo educativo con Patricia Martínez.

Combinou contos e xogos onde lle transmitiu aos cativos a importancia de pasalo ben lendo e xogando. Ademais ensinoulles que non hai xogos nin contos de nigún xénero, xa que todos somos iguais e temos que respectarnos, así como tamén a importancia das boas accións . Estas ó final sempre teñen recompensa como nos mostra o conto ” O elefante e a xenerosidade”.

Mañá chea de ensinanzas e risas coa Fada do Saco Verde, que visitou este sábado a Biblioteca de Trazo.

O pasado venres un grupo de nenos e nenas pasaron unha tarde moi entretida escoitando o conto de  “Maruxa” e poñéndose máns á obra facendo masa para darlle forma aos personaxes do conto así como recreando escenas da historia.

A biblioteca municipal de Lourenzá acolleu o día 21 de maio unha sesión de contacontos ” con perruca e unllas de cores”, onde @s asistentes desfrutaron e participaron activamente nesta actividade que profundizaba sobre valores tan importantes como son os respeto hacia as persoas.

Mara e a súa avoa pasan ratos entretidos

e a avoa contalle moitas historias de mulleres que cambiaron a historia.

A Biblioteca Municipal de Dorneda (Oleiros) acolleu este luns 20 de maio o taller “Coas mans na masa” da editorial Oqo. Partindo do conto de Eva Mejuto “Maruxa”  as nenas e nenos puideron crear a súa escena favorita da historia de Maruxa e Pepiño, empregando coma ingredientes principais masa de pan, cores e moita, moita imaxinación.

O día 17 de maio con motivo da celebración das nosas letras,invitamos a Caxoto para realizar un repaso a través da música e dos contos por diferentes homenaxeados   no día das Letras Galegas ao longo dos anos, e por suposto mención especial para Luisa Villalta. Resultou ser unha xornada agradable e divertida na que grandes e pequenos poideron interactuar

O sábado pola tarde, celebramos en Poio ás Letras Galegas cun espectáculo de Expresión Produccións.

Houbo xogos, contos, moitas risas,maxia…

Grazas Manuel.

O pasado 15 de maio visitounos, na Biblioteca José Saramago do Centro Sociocultural Aurelio Aguirre, a Ciclobiblioteca. As cativas e cativos pasaron unha tarde divertida entre poesías, cancións e ritmos que os acompañaron a través dos contos que eles mesmos axudaron a compoñer.

Ademais, tiveron a oportunide de viaxar na Ciclobiblioteca mentres desfrutaban dos libros que lles trouxo. Con ritmos de frauta e pandeireta, as nenas e os nenos do barrio de Conxo desfrutaron dunha actividade na que botaron a voar a imaxinación, cantaron e bailaron para ser protagonistas e darlle vida ás historias que os acompañaron durante a actividade.