Nos últimos días vimos un rato que ía e viña pola Biblioteca Pública Municipal de A Fonsagrada pero non dabamos falado con el. Por fin o pasado venres soubemos o motivo da súa visita: contar contos dos ratos de lonxedetodo. Contos divertidos, curiosos, engaiolantes, emocionantes. Pasámolo tan ben que lle deixamos un anaco de queixo para animalo a volver outro día.
Este venres 24 acompañounos Tone Martínez con moreas de historias que lle contaba a súa madriña cando pasaba o verán con ela, na aldea de Villaverde e quería que deixara as maquiniñas e gozara do entorno.
Achegámonos ao mundo dos bechos e da natureza dunha maneira moi especial, dándolle a importancia que estos teñen para conservar o noso medio ambiente e coñecendo de cerca as divertidas aventuras da Mosca Chosca ou do grilo apaixonado das panxoliñas do Nadal. Os nenos e nenas pasaron unha tarde abraiados co que estaban escoitando e levaron unha idea moi divertida para facer a vindeira vez que vaian de excursión polo monte.
Este xoves contamos na biblioteca coa compañía Duende Sico e a súa representación de títeres Elba e Marcos e os xoguetes encantados. Elba e Marcos son irmáns e ás veces teñen as súas diferenzas… Agóchanse os xoguetes, fanse trasnadas, dialogan sobre as profesións, xogan ás palabras rimadas, etc. Pero o pasan xenial, como as nenas e nenos de Oleiros nesta xornada de contos.
O día 21 de setembro a Biblioteca de Lourenzá tivo o pracer de contar coa presenza do cantautor Manoel de Felisa , nun espectáculo onde a música se mestura co mundo das lendas para achegarnos aspectos moi interesante do Camiño de Santiago.
O martes 21 de setembro tivemos na Biblioteca Municipal de Zas unha sesión co contacontos Anxo Moure que se transformou nun vello lobo e convertiu as nenas e nenos asistentes en lobiños e levounos de viaxe polo mundo da flora e fauna e a importancia do seu mantemento.
O martes, 21 de setembro, pasámolo estupendamente na compaña de Lucía e Paula que nos trouxeron unha chea de historias que atoparon nun gran libro secreto e que nos transmitiron valores moi importantes como é a igualdade.
O venres 17 de setembro, as compoñentes de Trécola Teatro visitaron a biblioteca de Nós e, aderezadas con música e baile, nos contaron moitas historias sobre a igualdade.
Foi unha sesión divertida e moi interesante.
Dinámica e simpática versión do conto de Hamelín con malabares e clown.
O xoves 16 contamos coa compañía Tricotrí Teatro e a súa representación de Monstros de dez minutos. Actividade chea de contos e música cun ritmo moi animado, utilizando libros como Carapuchiña vermella, Monstro de minuto e medio, O monstro de cores e Hansel e Gretel.
Séguenos