Tivemos o gusto de desfrutar das historias cheas de emocións que nos contou a animadora Andrea.Moitos bicos e ata a próxima!.

O sábado 21 de maio tivemos unha actividade moi interesante para todos e todas os interesados/as nas nosas tradicións, para os grupos folclóricos da vila, para a xente dedicada ao mundo da costura e o deseño..

A actividade “Cóntoche un traxe” dirixida a público adulto, mocidade e rapazada a partir de 6 anos.

Montse Rivera, dunha forma amena, orixinal e divertida, levounos nunha viaxe no tempo para ver como era o vestiario dos nosos ancestros. Con catro voluntarias do público foi amosando e describindo unha a unha todas as pezas do noso traxe

Os integrantes de Polo Correo do Vento achegaron ata a Axencia de Lectura de San Vicente o contacontos ilustrado “O Poeta do Miño” unha homenaxe a Manuel María.

Grandes e pequenos disfrutaron coa narracións, as ilustracións e os versos. Tamén aprenderon a debuxar a caricatura de Manuel María.

O día 20 de Maio na Biblioteca Infantil e Xuvenil da Coruña, celebramos o día das Letras Galegas  2016 rodeados de música e maxia nas mans de Martín Camiña e Álvaro Muras, respectivamente. Estes dous artistas fixeron un percorrido pola vida e obra de Manuel María combinando estas dúas disciplinas.

Resultado “máxico” cumplíndose o obxetivo: Homenaxear a Manuel María con motivo das Letras Galegas.

A participación das familias e a implicación do público en xeral foi moi satisfactoria. Sorprendeunos a todos a combinación de literatura, maxia e música.

Para acompañar a festa, dende a Biblioteca elaboramos unha mostra bibliográfica da obra de Manuel María. Quedounos así de bonitiña.

O día 18 de maio tivemos na Biblioteca “Poemas e contos de Manuel María” a cargo de Marisa Irimia

Foi unha actividade moi emotiva e bonita en recordo do noso escritor das Letras Galegas

Baixo o título de “Mans”, Pablísimo  contou catro historias axudado dun pequeno teatro , varios monicreques e o uso da mímica . A actuación durou arredor de corenta minutos e foi moi ben acollida polo público.

O pasado 18 de Maio quixemos celebrar na Biblioteca Pública Municipal de Corcubión, a Semana das Letras Galegas. Este ano, o autor homenaxeado como sabedes é : Manuel María.

Contamos coa actuación dos nosos amigos Kike e Carlos Taboada de Polo Correo do Vento, que nos presentaron “O poeta do Miño”, un conto inspirado no poema “Proclama ós peixes do Miño“, de Manuel María: o amor á natureza, o coñecemento do río Miño e o seu percorrido, a ecoloxía son nocións que os lectores reforzan nesta máxica obra.

Tamén amosamos outros libros de Kike Mauricio e Carlos Taboada que temos no noso catálogo da biblioteca como: “Violeta, a carteira bolboreta”, “Hugo, o carteiro teixugo”, “Mariquiña: a carteira andoriña” e “Martiño, o carteiro porquiño”; que nolos adicaron.

Na primeira parte: Contacontos, e xa na segunda parte da actividade realizamos un Obradoiro de ilustración no que os rapaces crearon a súa propia caricatura de Manuel María.

Os asistentes foron os alumn@s dos Colexios de educ. infantil e primaria de Corcubión e Fisterra.

Na tarde do luns 16 de maio de 2016, no Concello da Baña pasamos unha tarde gastronómica entre cultura. Degustamos café, batido e cacao coas letras de Manuel María, onde os/as participantes fomos lendo os seus poemas acompañados dun doce e dos debuxos que fixeron os/as máis pequenos/as.

Achegámonos algo máis ao autor homenaxeado e alimentamos a imaxinación e a barriga nunha tarde agradable de sol e de boa compañía.

E como toda merenda pide pan, decantámonos por unha deliciosa Merenda con pan de millo que nos prepararon os de MIGALLAS TEATRO. Foi un excelente fin de tarde co teatro, cantando e prestando atención ás interesantes historias que nos contaron nas que aprendemos a respectar máis aos nosos maiores (os avós e as avoas), os xogos en equipo,  os hábitos saudables e a marabillosa cultura tradicional .

Familias e pequenos/as cantamos en directo coa banda de pulgas que interpretaba miles de instrumentos. A imaxinación e o ritmo voaban como voou o tempo durante esta tarde na Baña.

o día 16 de maio a biblioteca de Lourenzá celebrou o dia das Letras Galegas cun conta contos no que participaron 120 nenos e nenas .Estivo a cargo do artista Manuel Solla Barragáns<, e na mencionada actividade os asistentes desfrutaron coa palabra, os xestos e a propia participación dos asistentes.

Os contadores Polo Correo do Vento achegáronnos as aventuras da saramaganta Roi en “O poeta do Miño”, una historia que homenaxea a Manuel María.

Nenos e adultos gozaron dunha historia na que os protagonistas percorrían o río Miño, seguindo moitas das paisaxes contadas e poetizadas por Manuel María, e tamén  coñecendo algún dos seus poemas.

Ao rematar a historia, aprenderon con Carlos Taboada, o ilustrador, a debuxar una caricatura do noso poeta lucense.